TOP
  • Home
  • Amawulire
  • Ow’emyaka 7 yeesimattudde ku yamuwambye n’atemya ku poliisi

Ow’emyaka 7 yeesimattudde ku yamuwambye n’atemya ku poliisi

By Musasi wa Bukedde

Added 13th June 2016

Poliisi e Nyenga ekutte omusajja agambibwa okuwamba omwana omuwala n’ebigendererwa ebitannategeerekeka.

Dunga 703x422

Omwana Mbabazi. Ku ddyo ye Nsubuga gwe yeesimattuddeko

Poliisi e Nyenga ekutte omusajja agambibwa okuwamba omwana omuwala n’ebigendererwa ebitannategeerekeka.

John Nsubuga, 30, kigambibwa nti yawamba omwana Patience Aine Mbabazi, 7, eyali atunda bbogoya ku luguudo, akawungeezi wiiki ewedde mu kabuga k’e Bukaya.

Nsubuga okukwatibwa kyaddiridde omwana okutoloka awaka we e Ssunga mu ggombolola y’e Nyenga - Buikwe n’atemya ku poliisi.

Omwana yannyonnyodde poliisi nti Nsubuga yasooka kumusanga ku mulimu n’amugulako bbogoya kyokka mu kumusasula n’amuwa kapapula ka mitwalo 5 aggyeeko 500/.

Nti bwe yamutegeeza nti talina ssente za bbalansi zimala, kwe kusaba Nsubuga bagende ku dduuka eryali okumpi bamuvungisirizeemu.

Yamuweeka ku ggaali ye nti kyokka bwe baatuuka we baalina okufuna ssente yayitawo buyisi engeri gye kaali kaserengeto.

Omwana yagasseeko nti oluvannyuma ate yamutwala n’amugulira engatto nga’amutegeeza nti ye yali kitaawe nga yali amutwala Kampala.

Poliisi bwe yazinzeeko amaka ga Nsubuga, awaka yasanzeeyo abawala abato babiri; Zipra Namugaya(17) ne Moreen Nambooze (19) be yali yafuula abakyala.

Abawala baategeezezza nga Nsubuga bwe yabaggya e Mbale ne Busia ng’abalimbye okubatwala e Kampala abafunire emirimu.

Nsubuga mu kwewozaako yategeezezza nti omwana yabadde tamubbye kyokka nga yamulabikidde ng’owuwe gwe yazaala edda.

Atwala poliisi y’e Nyenga , Asp Micheal Ndidde yategeezezza nga Nsubuga bwe yagguddwaako emisango ebiri okuli okukabassanya abaana abato n’okuwamba omuntu.

Kyategeerekese nti Nsubuga alina omukyala e Gayaza n’abaana basatu okuva mu bakyala ab’enjawulo.

More From The Author

Emboozi z’omuwandiisi endala

Emboozi endala

Kibowa13webuse 220x290

Abakyala mwekolemu ebibiina mufune...

Abakyala b'e Mukono bakubiriziddwa okwekolamu ebibiina bafune ku ssente za Gavumenti ezitaliiko magoba n'okuwagira...

Acaya1webuse 220x290

Omuyizi akoze mmotoka ne yeewuunyisa...

Omuyizi Francis Ocaya akoze mmotoka ne yeewuunyisa Ababaka ba Palamenti ne bamusuubiza omulimu

Abamukubamusigansimbiabataddemuensimbiokuzimbazikabuyonjongabawayaamunabamukubaanawebuse 220x290

Temusimbira nkulaakulana kkuuli...

Abagirimaani bazimbidde essomero ly'e Ntenjeru kaabuyonjo ey'omulembe

Omulyangogwambabaziogwateeredwaakoebyokoolawebuse 220x290

Ebigambibwa okuba ebyokoola bisasamazza...

Omusaayi ogumansiddwa ku luggi lw'omutuuze nga kuliko ebbaluwa etiisatiisa okufa okumusemberedde bisattizza ab'e...

Abolukiikolwamukonodevelopmentforummdfngabatandiseokukolaemirimugyabwe 220x290

Olukiiko oluyamba Mmeeya okukulaakulanya...

Olukiiko olw'okuyambako Mmeeya w'e Mukono okukulaakulanya ekibuga lusomeseddwa ku nkola y'emirimu gyalwo