TOP

Omuyizi aggyiiridde ku ssomero

By Musasi wa Bukedde

Added 16th June 2016

POLIISI etandise okubuuliriza ku muliro ogwakutte essomero lya St. Francis Namiryango P/S.

Kuba 703x422

Awe Yubu ku kitanda e Nsambya

POLIISI etandise okubuuliriza ku muliro ogwakutte essomero lya St. Francis Namiryango P/S.

Akulira okunoonyereza ku buzzi bw'emisango ku poliisi e Mukono, Henry Ayebare, agamba omuliro gwakutte ekisulo ky’abayizi ku Lwomukaaga ekiro ku ssaawa 3:00 omuyizi omu, Awe Yubu 10, owa P.3 n’afuna ebisago.

Yubu mu kiseera kino ali Nsambya kyokka nga yasookera mu ddwaaliro lya Mukono International Medical Centre.

Yayidde ku mutwe, ekifuba, emikono n'engalo. Ayebare yategeezezza nti, abazimyamoto baazikizza omuliro nga tegunnabuna bisulo birala.

Dayirekita w'essomero lino eyagaanyi okwogera amannya ge, yagambye nti omuliro guno baagulabuukiridde nga bukyali.

Ayebare yagambye nti, baakwataganye n'ekitongole ky'ebyenjigiriza mu Mukono Munisipaali okulaba oba essomero lino lyawandiisibwa mu mateeka.

Yagasseeko nti okunoonyereza kulaga nti omuliro guno gwavudde ku masannyalaze.

Harriet Alum maama w’omwana ono agamba nti abasomesa baasoose kumulimba nti, teyafunye buzibu okutuusa mwannyina Geoffrey Odong bwe yamubuulidde ekituufu.

Omwana tayogera ng’omukka abaka mubake. Omwana yayongeddwaayo mu ddwaaliro e Nsambya era we bwazibidde eggulo nga bamutadde ku mukka gwa oxygen.

More From The Author

Emboozi z’omuwandiisi endala

Emboozi endala

Sit2 220x290

Omugagga akubye omutemu n’amusuuza...

Omugagga akubye omutemu n’amusuuza emmundu

Sev2 220x290

Museveni atabukidde Katikkiro Mayiga...

Museveni atabukidde Katikkiro Mayiga ku by'emmwaanyi

Det2 220x290

Teddy afulumizza ekiwandiiko ku...

Teddy afulumizza ekiwandiiko ku bya bba Bugingo

Kop2 220x290

Owa bodaboda gwe baakuba ennyondo...

Owa bodaboda gwe baakuba ennyondo alojja

Lap2 220x290

Eyatuga owa bodaboda asonze ku...

Eyatuga owa bodaboda asonze ku munene gw’akolera