TOP

Obusinga bwa Rwenzururu buwezezza emyaka 50

By Musasi wa Bukedde

Added 22nd October 2016

Abanyarwenzururu mu e Kasese, babugaanye essanyu olw'Obusinga okuweza emyaka 50 ate n'Omusinga Charles Weasley Mumbere Iramangoma okujaguza amatikkira ge ag'emyaka omusanvu.

Rwenzururu 703x422

Minisita Kamuntu (ku ddyo) ng'abuuza ku Musinga. Wakati ye mukyala we ate ku kkono Bp. Nzerebende .

Abanyarwenzururu mu e Kasese, babugaanye essanyu olw'Obusinga okuweza emyaka 50 ate n'Omusinga Charles Weasley Mumbere Iramangoma okujaguza amatikkira ge ag'emyaka omusanvu.

Omusinga Mumbere Iremangoma ne mukyala we Agnes Ithungu Asimawe, baayaniriziddwa nnamungi w'omuntu mu kisaawe kya Kasese Booma Grounds.

Geoffrey Sibendere, ssentebe wa disitulikiti y'e Kasese, ategeezezza Omusinga nti, tebakkirizanga kusala mu disitulikiti y'e Kasese kubanga mu kiseera kino, abantu b'e Kasese si kye beetaaga oluvannyuma lw'okuva mu butabanguko.

Yategeezezza nti, waliwo bakansala, abaagenda ewa Pulezidenti Museveni ne bamulimba nti ab'e Kasese baagala disitulikiti okusalibwamu, ekitali kituufu n'agamba nti, bano tebaagala mirembe e Rwenzori.

Ye Bp. Jackson Nzerebende ow'Obulabilizi bwa South Rwenzori n'abalala baakulisizza Omusinga n'Obusinga okuweza emyaka 50 ne bamusaba okubunyweza mu mirembe.

Omusinga Mumbere yennyamidde olw'obutabanguko obubadde e Rwenzori ekyawaliriza poliisi okukuba abaserikale be n'agamba nti wadde ebyo byaliwo akyalina enkolagana ne Gavumenti era n'agisaba okussaawo akakiiko okunoonyereza ku butabanguko buno.

Minisita w'ebyobulambuzi era nga ye yakiikiridde Gavumenti, Ephraim Kamuntu yasomye obubaka bwa Pulezidenti n'asaba Omusinga okutwala emirembe ng'ekintu ekisookerwako mu buli kimu.

Omusinga Charles Weasley Mumbere Iremangoma, ye Omusinga owookubiri mu Businga bwa Rwenzururu okuva mu 1966 nga eyasooka ye Isia Mukirania eyabutandikawo mu 1950 nga yeekutula ku Bukama bwa Toro.

More From The Author

Emboozi z’omuwandiisi endala

Emboozi endala

Grav 220x290

Mujje mbalage ekitone ly’okuyimba...

Oluvannyuma lw’emyezi ebiri ng’ali mu kutendekebwa okwa kasammeme n'okugoggola eddoboozi, Gravity Omutujju ayise...

Uni 220x290

BUKEDDE W’OLWOKUNA AKULEETEDDE...

Bobi Wine olusimbudde okuva mu Amerika, abawagizi be ne batandikirawo okujeemera poliisi. Amagye gakutte owa Flying...

Banyarwanda2 220x290

Abanyarwanda basabye Kabaka ettaka,...

ABANYARWANDA ababeera mu Uganda basabye Kabaka asiime abawe ettaka Ssekabaka Muteesa II lyeyali abawadde e Kibuye...

Fortunessentamu2 220x290

Abagwira 6 bakuvuganya ne Bannayuganda...

Laawundi y'empaka za ddigi eyoomukaaga ku kalenda ya Uganda yakwetabwaamu abagwira 6.

Courtgavelscales1024683 220x290

Kkooti zonna zaakujjukira Benedicto...

Mu 1972 abajaasi ba Amin baalumba Benedicto Kiwanuka mu ofiisi ye ku Kkooti Enkulu ne bamuwalawala mu kifo ekitaategeerekeka...