TOP
  • Home
  • Agawano
  • Afumise bba ekiso lwa kumulondoola n'amumalako emirembe

Afumise bba ekiso lwa kumulondoola n'amumalako emirembe

By Musasi wa Bukedde

Added 11th January 2017

Hawah Namwanje, 25 ow’e Bweyogerere mu Kakajjo Zooni mu Munisipaali y’e Kira mu Wakiso kigambibwa nti ye yafumise bba Eddy Mugwanya, 29 ekiso.

Salako 703x422

Mukwaya, mukazi we Namwanje gwe yafumise ekiso mu bulago

OMUKAZI afumise bba ekiso ku mutwe ng’agamba nti akooye okumulondoola buli w’alaga.

Hawah Namwanje, 25 ow’e Bweyogerere mu Kakajjo Zooni mu Munisipaali y’e Kira mu Wakiso kigambibwa nti ye yafumise bba Eddy Mugwanya, 29 ekiso.

Mugwanya yagambye nti Namwanje yamuyise ku Mmande ne basisinkana ku bbaala ya Tex Lounge e Bweyogerere mu Cental Zooni okunywa era yamusanze ne muganda we ne banyumirwa obulamu.

Olwamaze okunywa omwenge, Namwanje n’asendasenda Mugwanya bagende bonna kuba amwagala nga bba newankubadde nga baafunamu obutakkaanya ne baawukana.

Mugwanya agamba nti olwatuuse mu nnyumba Namwanje n’atandika okumuvuma nga bw’amulangira obwenzi ng’alina abakazi b’apepeya nabo.

Zaabadde ssaawa 8.00 ez’ekiro era oluyombo bwe lwanyinyittidde, Namwanje kwe kuggyayo ekiso n’afumita Mugwanya ku mutwe n’adduka.

“Namwanje olwamaze okunfumita n’ansibira mu nnyumba n’adduka ku poliisi era nasigadde ndaajana ekyawalirizza landiroodi okumenya kkufulu n’anzigyamu. Poliisi yasanze bamaze okunfulumya”, Mugwanya bwe yagambye.

Poliisi y’e Bweyogerere ng’ekulembeddwa akulira bambega baayo, Eldard Mwesigye yakutte Namwanje n’emuggulako omusango gw’okugezaako okutta omuntu ku fayiro nnamba SD REF.22/10/01/2017 ku poliisi y’e Bweyogerere.

Namwanje yeegaanyi eky’okugezaako okutta bba n’agamba nti Mugwanya ye yeetuusizzaako obulabe ng’agamba nti asusse okwagala abasajja abalala.

Namwanje yagambye nti Mugwanya obwedda ayomba bw’amulangira okusuza abasajja ku mufaliso gwe yagula. Omufaliso guno Namwanje yanoba nagwo nga kw’asula n’omwana we.

N’agamba nti bwe yayawukana ne Mugwanya yafuna omusajja omulala okulabirira omwana kuba kitaawe talina ky’amuwa era ne bwe baabadde bagenda ku poliisi baabadde bonna. Yagambye nti Mugwanya ali ku kakodyo k’okumusibisa amulemese omusajja kuba tayagala kumulaba na musajja yenna gwa ayagala mu bulamu bwe okuggyako ng’amuddidde.

More From The Author

Emboozi z’omuwandiisi endala

Emboozi endala

Starleaguenov162019kccabtvipers10kizzaandwilla2 220x290

KCCA FC ekubye Vipers awaluma

KCCA FC emezze Vipers SC egikyalidde e Lugogo ku kisaawe kya Star Times ku ggoolo 1-0 ng’eteebeddwa Mike Mutyaba...

Buza 220x290

Omusajja omukodo abuza omuliro...

TEWALI kintamizza basajja nga bukodo. Balinga abatamanyi nti omukyala yenna aweebwa kubanga kibi nnyo okukama ente...

Wuga 220x290

Omulwadde wa siriimu asobola okuzaala?...

NDI mukyala ayagala waakiri okuzaalayo omwana omu kubanga nnina siriimu. Naye ssenga, kandida annuma naye neebuuza...

Jino 220x290

Ow’emyaka 90 alumirizza ekkanisa...

NNAMUKADDE ow’emyaka 90 alumirizza ab’ekkanisa ya Uganda okumutundira mu ttaka ly’abaddeko emyaka egisoba mu 60....

Linda 220x290

Stecia awadde Julie obukwakkulizo...

ABAYIMBI n’abasuubuzi bongedde ebbugumu mu nteekateeka y’emikolo gy’okwanjula kwa Julie Ssemugga egisuubirwa okubeerawo...