TOP
  • Home
  • Ageggwanga
  • Malaaya bamusse ne bamuleka mu kitaba ky'omusaayi ne bbebi we!

Malaaya bamusse ne bamuleka mu kitaba ky'omusaayi ne bbebi we!

By Musasi wa Bukedde

Added 9th February 2017

Malaaya attiddwa mu bukambwe e Kabalagala mu kiro ekyakeesezza Olwokusatu, bwe yafumitiddwa ekiso mu bulago.

Mwana1 703x422

Omukyala ng’asitudde bbebi w’omugenzi.

BYA JOSEPH SSENFUMA

Zaabadde ssaawa nga 6:00, poliisi okuva e Kabalagala n'efuna amawulire nga bwe waliwo omuntu asaliddwaako obulago.

Yasitukiddemu bunnambiro era okutuukawo, nga mu loogi emu mu Kataba we wagaηηalamye omulambo gw’agambibwa okuba malaaya.

Omulambo gwasangiddwa mu kitaba ky'omusaayi nga ku bbali waliwo omwana w’omugenzi ow'emyezi 9.

Poliisi yakutte abantu babiri bagiyambeko mu kunoonyereza ku butemu buno.

Omugenzi yasangiddwa talina kintu kyonna kimwogerako. Abatuuze baategeezezza nti tebamanyi mannya ge kuba ne mu kitundu babadde tebamulabangako.

Bo bamalaaya b'omu Kataba baavumiridde eyakoze ekikolwa kino ku munnaabwe wadde tebamumanyi mannya. Baasabye abeebyokwerinda okunyweza obukuumi mu loogi.

Baasabye abasajja okukomya okutta bamalaaya kubanga baba bayiiya kikumi.

 ugwanya ne antana baakwatiddwa Mugwanya ne Bantana baakwatiddwa.

 

Omutuuze, Teopista Nagujja omusango yagutadde ku bannannyini loogi okuteekanga essira ku nsimbi ne batafaayo ku basula mu loogi zaabwe.

Yagasseeko nti loogi zandifuddengayo okumanya ebikwata ku bakasitoma ne babiyingiza mu bitabo nga bakasitoma tebannayingira busenge.

BASATU BAKWATIDDWA

Abasajja babiri bakwatiddwa okuli; Abudu Mugwanya omukozi mu bbaala eno, Bosco Bantana n'omuwala asangiddwa mu kifo kino, Glorius Kabalungi.

Bano baatwaliddwa ku poliisi e Kabalagala bagiyambeko mu kunoonyereza.

Omulambo poliisi yagututte mu ddwaaliro e Mulago ate omwana w'omugenzi n’atwalibwa ku poliisi e Kabalagala.

More From The Author

Emboozi z’omuwandiisi endala

Emboozi endala

Ssenga1 220x290

Njagala kutandika bulamu

NNINA siriimu era mmaze naye emyaka egiwera. Baze yafa ne nsigala n’abaana naye kati mpulira nnina okufuna omusajja...

Img20190117wa0028 220x290

Sipiika alagidde Katuntu okuyimiriza...

SIPIIKA wa Palamenti Rebecca Kadaga alagidde akakiiko ka COSASE akakubirizibwa Katuntu akabuuliriza ku mivuyo egyetobeka...

Soma 220x290

Abatuuze katono batte be balumiriza...

ABATUUZE ku kyalo Kiryamuli mu Ggombolola y’e Gombe mu disitulikiti y’e Wakiso bakkakkanye ku basajja babiri abagambibwa...

Panda 220x290

Maneja Kavuma ayagala Abtex amuliyirire...

Olutalo lw’abategesi b’ebivvulu, Musa Kavuma (KT Events) ne Abby Musinguzi amanyiddwa nga Abtex lusituse buto....

Panta 220x290

Gavumenti ereeta amateeka amakakali...

Amateeka gavumenti g’ereeta okulung’amya ensiike y’okuyimba gasattiza abayimbi. Waliwo abatandise okuyomba nga...