TOP
  • Home
  • Ageggwanga
  • Embeera ya Mayanja Nkangi eyongedde okwonooneka: Azibye omumwa

Embeera ya Mayanja Nkangi eyongedde okwonooneka: Azibye omumwa

By Benjamin Ssebaggala

Added 3rd March 2017

EMBEERA ye yali Katikkiro wa Buganda, Joash Mayanja Nkangi 86, yeeyongedde okuba embi.

Mayanja 703x422

Mayanja Nkangi

EMBEERA ye yali Katikkiro wa Buganda, Joash Mayanja Nkangi 86, yeeyongedde okuba embi.

Aba famire ye baategeezezza nga bw’azibye amaaso n’omumwa ekivuddeko abasawo ne famire okuyimiriza ababadde baagala okumubuuzaako. Nkangi ajjanjabirwa mu ddwaaliro lya Nakasero Hospital gye yaweereddwa ekitanda ku mwaliiro ogwokusatu.

Omu ku booluganda abaamukyaliddeko ku Lwokuna ku makya yategeezezza Bukedde nti embeera ya Nkangi yeeraliikiriza era asaana ssaala. “Omulwadde mmutuuseeko nga tasobola kwogera yadde okwekyusa.

Okutunula kumukaluubiriza era ekiseera ekisinga akimala azibiridde ng’alabika mugonvu nnyo”. Bwatyo omu ku booluganda bwe yategeezezza.

Embeera eno y’evuddeko aba famire okugaana abantu okugendayo kuba gwe baagala okulaba mu kiseera kino tasobola kubalaba na kubategeera yadde okwogera. Baasabye abantu okumusabira nga bw’anaassuuka bajja kusobola okumulabako.

Abaana ba Mayanja okuli, Tshaka Mayanja ne Josephine Mayanja bakkirizza nga kitaawe bwali ku kitanda e Nakaserokyokka ne basaba ensonga bagira bazeekwatiramu nga famire.

Omwogezi wa Gavumenti, Ofwono Opondo yategeezezza nti ensonga z’obulwadde bwa Mayanja zikyali mu mikono gya famire n’asaba aba famire bagira balekerwa eddembe okuzeekolerako.

Twayogeddeko n’omwogezi w’Obwakabaka bwa Buganda, Noah Kiyimba ku bulwadde bw’eyali Katikkiro wa Buganda n’atutegeeza nti akyebuuza okumanya ky’aba ayogera bw’anaakifuna ajja kutuddira.

Eyaliko Katikkiro wa Buganda Daniel Muliika yennyamidde embeera ye yali Katikkiro munne mw’ali n’alumba Gavumenti okulemwa okukola ku malwaliro ekivuddeko abantu okukaluubirirwa okwejjanjaba ne bawalirizibwa okugenda mu malwaliro ag’obuseere.

More From The Author

Emboozi z’omuwandiisi endala

Emboozi endala

Starleaguenov162019kccabtvipers10kizzaandwilla2 220x290

KCCA FC ekubye Vipers awaluma

KCCA FC emezze Vipers SC egikyalidde e Lugogo ku kisaawe kya Star Times ku ggoolo 1-0 ng’eteebeddwa Mike Mutyaba...

Buza 220x290

Omusajja omukodo abuza omuliro...

TEWALI kintamizza basajja nga bukodo. Balinga abatamanyi nti omukyala yenna aweebwa kubanga kibi nnyo okukama ente...

Wuga 220x290

Omulwadde wa siriimu asobola okuzaala?...

NDI mukyala ayagala waakiri okuzaalayo omwana omu kubanga nnina siriimu. Naye ssenga, kandida annuma naye neebuuza...

Jino 220x290

Ow’emyaka 90 alumirizza ekkanisa...

NNAMUKADDE ow’emyaka 90 alumirizza ab’ekkanisa ya Uganda okumutundira mu ttaka ly’abaddeko emyaka egisoba mu 60....

Linda 220x290

Stecia awadde Julie obukwakkulizo...

ABAYIMBI n’abasuubuzi bongedde ebbugumu mu nteekateeka y’emikolo gy’okwanjula kwa Julie Ssemugga egisuubirwa okubeerawo...