TOP

Abaasobezza ku mwana ne bamutta babakutte

By SHAMIM NABUNNYA

Added 20th April 2017

POLIISI y’e Katwe ekutte abavubuka abateeberezebwa okuba nga baasobeza ku mwana owe’myaka omukaaga ne bamutta omulambo ne bagussa mu buliri ng’alinga eyeebase.

Jah1 703x422

Abavubuka abaakwatiddwa.

Esther Nannyonjo, muwala wa Lillian Namwanje owe Najjanankumbi mu Namuli Zooni mu Munisipaali y’e Makindye Ssaabagabo ye yatiddwa mu kiro ekyakeesezza olwa Mmande nga nnyina agenze okucakala mu ndongo eyabadde ku Freedom City e Namasuba.

Maama w’omwana Namwajje yategeezezza nti awaka yavuddewo ku ssaawa 1:00 eyakawugeezi omwana n’amulekera mutabani we, Francis Bidda eyabadde ne mikwano gye egyabadde gizze okumukyalira nga yabalese mu nnyumba ng’omwana azannya.

“Nakomyewo nga nkooye ne neebaka mu ntebe ng’obudde bwe bukedde ne ndaba omwana wange nga tazuukuka kwe kusalawo okugenda ku buliri gye yabadde yeebasse.

Kyambuuseeko bwe namukutteeko nga mukalu waggyo”, Namwanje bwe yategeezezza.

Yagambye nti yakubye enduulu nga tayinza kukkiriza nti omwana we afudde. Yasanze bamuzinze mu bulangiti era yagenze okumukebera ng’alina enkwagulo mu bulago n’amanya nti baamutuze.

Yategeezezza nti bwe yakubye nduulu abantu ne bajja ne bakebera omwana baakizudde ng’abaamusse baasoose kumusobyako.

Abatuuze baakutte Francis Bidda nga mwana wa mwanyina wa Namwajje (amuyita ssenga) ne mukwano gwe Michael Jjuuko kyokka omulala yeemuludde ku batuuze n’adduka.

Abaakwatiddwa abatuuze baabadde baagala okubamiza omusu wabula poliisi n’ebataasa.

Abatuuze baayazizza ennyumba abavubuka bano mwe baasoberezzako omwana ne basanga obuliri bwa Bidda nga buliko omusaayi era nga Bidda alina n’enkwagulo mu bulago n’omusaayi ku lugoye lwe yabadde ayabadde.

Bano baakwatiddwa ne batwalibwa ku poliisi y’e Katwe gye bagguddwako emisango bbiri ogw’okutta n’okusobya ku mwana ku fayiro nnamba SD REF 18/17/04/2017, nga poliisi etandise okubanoonyereza.

More From The Author

Emboozi z’omuwandiisi endala

Emboozi endala

A Pass yeegobye mu luyimba lwa...

A Pass atabukidde Bebe Cool ku luyimba lwa ‘Corona Distance’, amulanga kumugattika na Fresh Daddy gw'ayita kazannyirizi...

Kagame 220x290

E Rwanda bongezzaayo kalantiini...

Gavumenti ya Rwanda yalangiridde nti eyongezzaayo ennaku abantu ze balina okumala nga tebava waka okutuuka April...

W1240p169s3reutersmedianet68 220x290

Coronavirus: World Bank ewadde...

Bbanka y’ensi yonna yawadde Kenya obuyambi bwa doola za Amerika obukadde 50 okuyambako mu kutangira okulwanyisa...

Kyuka 220x290

Abantu 1,000 bafudde Corona mu...

ABANTU 1,047 olufudde mu Amerika ebintu ne bikyuka. Trump obuyinza bw’okuteekawo kalantiini n’okusibira abantu...

Whatsappimage20200402at65210pm 220x290

Bajjo ayagala Full-Figure amuliyirire...

Bajjo ayagala Full-Figure amuliyirire obukadde 500 lwa kumwonoonera linnya.