TOP
  • Home
  • Amawulire
  • Bakyala ba Hajji Kiyimba bamutaddeko akazito ku bufumbo bwe ne Maama Fiina

Bakyala ba Hajji Kiyimba bamutaddeko akazito ku bufumbo bwe ne Maama Fiina

By Musasi wa Bukedde

Added 5th May 2017

HAKKI’ za Hajji Abdul Kiyimba zimutaddeko akazito abannyonnyole lwaki yabagasseeko Sophia Namutebi (Maama Fiina).

Twala 703x422

Hajji Kiyimba ne Maama Fiina lwe baali e Bulenga mu lumbe lw’eyali bba omugenzi Maj. Kiggundu.

Abakyala bano bagamba nti babadde basuubira bbaabwe okusooka okubeebuuzaako ku nsonga eno.

Kiyimba alina abakyala basatu okuli ow’e Kyengera, e Maya n’ow’e Busega.

Ku bano kwe yagasse Maama Fiina ng’era bwe watabaawo kikyuka, embaga oba okuwoowa kugenda kubaawo ng’ekisiibo ky’Abasiraamu tekinnatandika.

Omu ku bali ku lusegere lw’omukyala wa Kiyimba ow’e Busega agamba nti, omukyala ono ayitibwa Nankya Matovu, ye yasinze okunyiiga nga yeebuuza bbaabwe ky’anoonya.

Kigambibwa nti amaze ebbanga ng’alengera bbaabwe ng’ali mu mmotoka ne Maama Fiina ng’abiyita bya kusaaga kyokka kyamuweddeko bwe yategedde nti bulijjo gw’alengera afuuse muggya we.

Nti era aliko be yabuuza ng’asinziira ku dduuka lye eritunda engatto e Nateete n’agamba nti, “naye bbaffe alimba, mu bakazi bonna alabyeyo ono eyaakafiirwa bba gw’asazeewo okutugattako?”

Ye mukyala mukulu ow’e Kyengera twategeezeddwa nti tasalikako musale era amawulire g’enteekateeka za bbaabwe gaamukubye wala kyokka n’anyumizaako banne nti k’asooke alinde Haji Kiyimba amutuukirire mu butongole amubuulire eby’okumugattako Maama Fiina.

ENGOYE Z’EMBAGA BAAZIGUZE DUBAI

Okumanya Hajji Kiyimba ne Maama Fiina omukolo gwabwe bagwetegekedde bulungi, engoye z'omukolo gwabwe zaamaze dda okutuuka nga baaziguze Dubai.

Baazigula mwezi guwedde era bwe baakomawo Hajji Kiyimba yasibira wa ddobbi omu ku kizimbe kya Nateete Shopping Center n’atikkula emigugu gy’engoye ze baali baguze olwo batandike okuzirongoosa.

Omu ku beerabirako yategeezezza nti kwaliko essuuti mukaaga, empale mwenda, jjiini 15, T-Shirt 15 n’amasaati 20.

Ewa ddobbi engoye zaamazeeyo ennaku ttaano nga bamaze okuzigolola olwo Maama Fiina ne Hajji Kiyimba ne bazikima ku ssaawa 5:00.

Wabula kigambibwa nti mukyala muto (Nankya Matovu) atunda engatto z'abaana e Nateete yabadde agenze okuggyayo engoye z'omwami we nga bulijjo, kyokka kyamubuuseeko okutuukayo ne bakamutema nga bba bwe yazitwala edda.

Wano we baakamutemedde nti engoye zaatwaliddwa omugole ng’ali ne bbaabwe.

More From The Author

Emboozi z’omuwandiisi endala

Emboozi endala

Annotation20190718192802 220x290

Okwogera kwa Pulezidenti Museveni...

Okwogera kwa Pulezidenti Musevebni eri eggwanga. Tuli mu maka g'Obwapulezidenti e Nakasero

Massagebeingdonewebuse 220x290

By'olina okutunuulira nga tonnakola...

Nakola masaagi ne ntemwako okugulu era ntambulira mu kagaali - Dr. Karuhanga

Omukubayizingalikobyanyonyolawebuse 220x290

Abawala abazaddeko mubazze mu masomero...

Abawala abazaddeko okudda mu masomero kyakuyigiriza abalala obutakola nsobi n'okubudaabuda abafunye obuzibu bwe...

Teekawo1 220x290

Akakiiko ka bannamateeka kasazizzaamu...

OLUKIIKO olufuzi olwa bannamateeka ba Uganda Law Society olukwasisa empisa lusazizzaamu ekibonerezo ky'emyaka ebiri...

Club 220x290

Vipers bagitutte mu kkooti lwa...

KIRAABU ya Vipers bagitutte mu kkooti lwa kukozesa akabonero kaayo (logo) nga tebasasudde yakakola. Era eyabawawaabidde...