TOP
  • Home
  • Diaspora
  • Bannayuganda ababeera ebweru bakubiriziddwa okwenyigira mu by'obulimu awaka

Bannayuganda ababeera ebweru bakubiriziddwa okwenyigira mu by'obulimu awaka

By Musasi wa Bukedde

Added 11th May 2017

Bannayuganda ababeera emitala w'amayanja baweereddwa amagezi okuteeka ssente mu by'obulimi n'okutondawo amakolero.

Ta1 703x422

Amagezi gabaweereddwa Muky. Florence Kiremerwa, omuwabuzi wa Pulezidenti Museveni ku nsonga za Bannayuganda ababeera mu mawanga g'ebweru bwe yabadde ayogerera mu musomo gw'eby'obusubuuzi n'okusiga ensimbi ogwa Midland ogw'omulundi ogw'okuna ogwatekeddwa ku West Brownish e London ku Lwokubiri.

"Bangi ku ffe okumala ebbanga tukoze emikwano n'okutondawo enkolagana n'abantu be tusobola okusendasenda ne bajja okusiga ensimbi mu nsi yaffe ey'obuzaaliranwa," Kiremerwa bwe yategeezezza.

 

Kiremerwa yayongeddeko nti Gavumenti ya Uganda efubye okussaawo embeera ennungi esobozesa eby'obusuubuzi, okusiga ensimbi ssaako n'ebintu ebirala ebisikiriza n'okuyambako bamusigansigo abagwiira okutondawo bizinensi mu ggwanga.

Yagambye nti Gavumenti yataddewo ekifo ekyenjawulo mu kitongole kya Uganda Investment Authority (UIA); okwanguyiza ku bayinvesita n'okuggyawo emisoso emingi baleme kukaluubiriza naddala ku mutendera gw'okuwandiisa bizinensi  mu kitongole kya Uganda Registration Bureau Services (URBS).

"Tuyinza okwetaaga okusomesa n'okusendasenda mikwano gyaffe ne kampuni ze tukolera okusiga ensimbi mu Uganda.  Omulimu kati gwaffe okusikiriza mikwano gyaffe okukozesa omukisa guno okufuula Uganda ekifo gye bayinza okusiga ensimbi zaabwe naddala mu by'obulimi n'okulambula," Kiremerwa bwe yategeezezza.

Kiremerwa yabakubirizza okutumbula eby'obulambuzi bwa Uganda ebikyakula era nga byetaaga okukwatirako ennyo nga bayita mu kusendasenda mikwano gyabwe okujja okulaba eby'obulambuzi omuli ensolo n'obutonde bw'ensi obulungi okuzaama bye bayinza n'okusigamu ensimbi.

More From The Author

Emboozi z’omuwandiisi endala

Emboozi endala

Mala1 220x290

BUKEDDE W’OLWOMUKAAGA AFULUMYE...

Mulimu abayizi 5 abasinze mu buli ssomero mu disitulikiti ez’enjawulo. Tukugattiddeko n’ebifaananyi byabwe nga...

Morning 220x290

Obulamu bw’okweyombekera kkoyi...

OBULAMU obw’omu bumenya! Bayibuli ekirambika nti ekitonde ekisajja kineegattanga n’ekitonde ekikazi ne bakola obufumbo...

Ssenga1 220x290

Bakwana batya?

Ekizibu kye nnina kya nsonyi ate nga ndi muvubuka wa myaka 21. Ntya n’okugamba ku muwala yenna. Ssenga nsaba kunnyamba...

Yaga 220x290

‘Muntaase puleesa egenda kunzita...

MUSAJJA mukulu Ssaalongo Vincent Kigudde 78, awanjagidde akakiiko akabuuliriza ku mivuyo gy’ettaka kamuyambe ku...

Nyanzi 220x290

Dr. Stella Nyanzi alemedde e Luzira...

Dr. Stella Nyanzi ajeemedde ebiragiro bya kkooti bw’agaanye okulinnya bbaasi y’abasibe emuleeta ku kkooti nga bwe...