TOP

Omuyizi abadde abuzaawo bodaboda asimattuse

By Musasi wa Bukedde

Added 22nd May 2017

POLIISI y’e Nakulabye etaasizza omuyizi wa Ndejje University ku bantu n’emuggalira oluvannyuma lw’abatuuze okumukwata ng’akukusa bodaboda ya munnaabwe ng’agezaako okugibuzaawo.

Ma 703x422

Owapoliisi Namanya ng’aliko by’abuuza Nasasira (ku ddyo).

Brian Nasasira 23, ng’asula Nakulabye ng’ali mu mwaka gwe ogwokubiri ng’asoma byabusuubuzi y’asimattuse okuttibwa bw’akwatiddwa ng’abuzaawo pikipiki ekika kya Bajaj Boxer nnamba UEM 669Q.

Bino byabaddewo ku Mmande ya wiiki ewedde e Nakulabye mu zooni 5 ku ssaawa 5:00 ez’emisana.

Kyaddiridde nnyini yo okugisimba okumpi ne w’asula n’agenda yeggame enkuba eyabadde etonnya.

Enkuba ng’ekendedde, Nasasira yazze n’agisimbulawo n’abuulira abaabaddewo nti nnyini yo y’agimutumye.

Wabula nnyini yo yagenze okujja nga teriiwo ne bamugamba nti agiggyeewo abagambye nti y’agimutumye.

Yatemezza ku ba bodaboda banne ne bavuga ne bamusanga ng’agipaakinze ku mabbali g’ekkubo ayogera ku ssimu era bw’abalabye n’adduka wabula ne bamugoba ne bamukwatira e Nakulabye ng’anaatera okutuuka ku poliisi okwewonya okuttibwa ekiwalirizza ababaddewo okumutwala ku poliisi.

Nnannyini pikipiki ye Brian Musige. Rogers Namanya, akulira poliisi y’e Nakulabye yategeezezza nti bagenda kumuggulako ogw’obubbi.

More From The Author

Emboozi z’omuwandiisi endala

Emboozi endala

Bow 220x290

Owebyokwerinda atulugunya abantu...

Abaakakiiko ka LC bagobye owebyokwerinda lwa kwenyigira mu bikolwa ebimenya amateeka. Bakkiriziganyizza ne basaba...

Go 220x290

Obukadde 60 zifudde ttogge: Ekyuma...

GIWEZE emyaka musanvu nga Museveni awadde abavubuka b’omu disitulikiti y’e Kamuli ekyuma ekyaluza enkoko beekulaakulanye....

Emery1 220x290

Emery atadde abazannyi 7 ku katale...

Emery, ayagala kuggumiza ttiimu ye sizoni ejja era agamba nti abamu ku bazannyi b’alina, tebajja kumukolera k'abatunde...

Kib1 220x290

Abakungubazi bakubaganye empawa...

Abakungubazi bakubaganye empawa ku nfa y'omugagga Kiriggwajjo!

Nanyinittakamarynagaddyabamuwujjaazirisewebuse 220x290

Abatuuze mu maka 1000 e Mukono...

Amaka agasoba mu 1,000 e Mukono paasika teyabawoomedde oluvannyuma lw’okulabulwa okusengulwa nga tebabaliyiridde...