TOP
  • Home
  • Amawulire
  • Omulamuzi Bamugemereire alabudde abanene abamutiisatiisa ku by'etteka

Omulamuzi Bamugemereire alabudde abanene abamutiisatiisa ku by'etteka

By Alice Namutebi

Added 19th June 2017

AKULIRA akakiiko akanoonyereza ku ttaka omulamuzi Catherine Bamugemereire alabudde abantu naddala abanene n’abagagga abeefuula abatakwatibwako ku nsonga z’ettaka nti tebagenda kumulemesa kutuukiriza buvunaanyizibwa bwamukwasibwa.

Bamugemereire1703422 703x422

Omulamuzi Catherine Bamugemereire

Bamugemereire yagambye nti abantu bonna abali mu nteekateeka z’okumutiisatiisa ave ku mulamwa bakoota mu ga lumonde era gwe kanaatanda n’amwesimbamu ng’akola emirimu gye, ajja kutegeera amaanyi agali mu mukono gw’amateeka.

Bino Bamugemereire yabyogeredde mu lukuhhaana lw’amawulire lwe yatuuzizza ku ofiisi z’akakiiko ku Archive Center okubategeeza we batuuse bukya akakiiko katandika.

Yagambye nti baakafuna abantu 16,000 abalina okwemulugunya ku nsonga z’ettaka okuva mu disitulikiti y’e Kampala, Wakiso ne Luweero.

Yamenyemenye n’agamba nti e Luweero ne Nakaseke emisango gy’ettaka 1,017 gisinze kuva mu babibanja abeemulugunya ku ba landiloodi n’anokolayo e Kapeeka gye yasanze abaazirwanako n’abaakosebwa mu lutalo abagenda nga bawamba ettaka ly’abalala.

E Wakiso yagambye nti baakafunayo emisango 420 ng’eno gyekuusa ku ngeri eteri nnuhhamu ebitongole bya gavumenti gye bitwalamu ettaka okukola pulojekiti zaabyo.

Emisango emirala 219 abantu okuva mu bitundu ebyenjawulo baagireese ku ofiisi y’akakiiko.

Yagambye nti oluvannyuma lw’emyezi 3, baakukola lipooti ey’ekiseera okusalawo oba ng’ebbanga eryabaweebwa emyezi mukaaga linaabamala okuwuliriza okwemulugunya mu Uganda yonna.

Yagumizza abantu nti ensonga zaabwe zaakuwulirwa we kisoboka bayambibweko.

Yagambye nti bakyetegereza n’engeri y’okwahhangamu obusambattuko obuli wakati w’Abacholi n’Abamadi ababadde battihhana olw’ensalo.

Akakiiko kaddamu leero.

More From The Author

Emboozi z’omuwandiisi endala

Emboozi endala

Kavuma1jpgweb 220x290

Omukazi yanfera omukwano

Nze Abdurrahman Musingunzi 25, mbeera Kalerwe. Twasisinkana n’omukazi mu ttendekero erimu eryobusomesa e Ibanda...

Mwana2jpgweb 220x290

Abazadde basobeddwa olw'omwana...

Abazadde basobeddwa olw'omwana waabwe okuyubuka olususu buli olukya naye nga tebamanyi kimuluma. Bagamba nti omwana...

Kadaga 220x290

Kadaga alabudde abakozesa obwana...

Sipiika wa Palamenti, Rebecca Kadaga asabye gavumenti okussaawo amateeka amakakali agakangavvula abakozesa abaana...

Ndagamuntuyomugenzi2 220x290

Afiiridde mu mulyango nga bamutwala...

Abatuuze basabye bannannyini mayumba okukomya okupangisa abantu amayumba nga tebafunye bibakwatako

Sat2 220x290

Ttiimu 40 zikakasizza okwetaba...

Ttiimu 40 zikakasizza okwetaba mu mpaka za Begumisa cup