TOP

Bobi Wine yeenywezezza mu kalulu k'e Kyaddondo

By Musasi wa Bukedde

Added 22nd June 2017

BOBI Wine ayongedde okwenyweza n’okukyusa engeri gy’awenjaamu akalulu mu nnaku zino ezisembayo. Ebimotoka lukululana yabiwummuzza.

Mata1 703x422

Bobi Wine nga bamuva ku pikipiki okuwenja akalulu

Bya RONALD MUGENYI, S. TEBUSEEKE, REGINAH NALUNGA NE MOSES NYANZI

Kati bw’aba agenda awantu nga gye yabadde mu muluka gw’e Gayaza eggulo, wasookayo mmotoka ye ebwatuka olwo ye n’ajjira mu mmotoka ya Ssentebe wa Town Council y’e Kasangati, Tonny Sempebwa Kiyimba.

Takyasigala mu mmotoka nga bw’abadde akola emabegako, kati olutuuka mu bubuga awali abantu ng’atambula ababuuza omu kwomu.

Okwo agattako okugenda ng’abonga n’oluyimba lwe olwa ‘Bikwase Kyagulanyi … (lugenda mu maaso ku bidongo) …. Bannakyaddondo essaawa yeeno.

Gayaza muwulidde? Kasangati muwulidde … n’okweyongerayo. Apollo Kantinti naye oluyimba yaleese olupya: Omwana waakuno Kantinti lwayimbiddwa Inspector Jo (Ssemakula George William) era eggulo lwe yakulembezezza ng’akuba kampeyini e Wampeewo.

Muno yataddewo ebigambo nti ye mwana wa mu kitundu mwe bamuziika.

 antinti ku kkono ngalaga abawagizi be ekimu ku bipande bye ebyayuziddwa mu muluka gwe ampeewo Kantinti (ku kkono) ng’alaga abawagizi be ekimu ku bipande bye ebyayuziddwa mu muluka gw’e Wampeewo.

Eggulo enkambi ya Sitenda Ssebalu yasiibye ekunga abantu nga babagamba nti pulezidenti Museveni ajja ne Maama Fiina basumulule ekikapu.

Sitenda Ssebalu yasiibye akuyega abantu bajje okwaniriza Pulezidenti Museveni agenda okubeera e Wampeewo ku kisaawe.

Muwada Nkunnyingi ne Dr. Sowedi Kayongo baabadde bawummuddemu.

Bino nga bigenda mu maaso, effujjo lyeyongedde okweyoleka mu kalulu ka Kyaddondo East akagenda okukubibwa ku Lwokuna wiiki ejja June 29, 2017.

Ebipadde bya Kantinti waliwo abaabiyuzizza ku Lwokubiri ekiro okuva ku Musanvu ku lw’e Gayaza, Kasangati, Gayaza, Wampeewo ne Kabubbu.

Yasabye abawagizi be okubeera abakkakkamu. Emabegako abawagizi ba Sitenda Sebalu ne Bobi Wine baawaanyisiganya ebigambo era baabuzeeko katono okugwahhana mu malaka bwe baasisinkanye e Nangabo.

Kyokka ekirungi tebaalwanye wadde baayombye n’okwerangira.

More From The Author

Emboozi z’omuwandiisi endala

Emboozi endala

59148f0c79e3455bb2de95a2f1b5a89d 220x290

Ogwa Bajjo okunyiiza Museveni gugobeddwa...

Omulamuzi wa kkooti ya Buganda Road Stella Amabirisi agobye omusango ogubadde guvunaanwa omutegesi w'ebivvulu Andrew...

Top33 220x290

Aba FMU batongozza ez'oku ssande...

Aba FMU batongozza ez'oku ssande

Babe 220x290

Eyannimba okuba omuserikale anneefuulidde....

Nsobeddwa oluvannyuma lw’omusajja eyannimba nti muserikale wa tulafiki ku poliisi y’e Kanyanya okunfunyisa olubuto...

Funa 220x290

Mayinja ayogedde ku by'okufuna...

Mayinja bwe yatuukiriddwa yasoose kusambajja bimwogerwako nti yafuna ssente okulwanyisa People Power era n’ategeeza...

Dav11 220x290

Minisita w'ebyemizannyo asanyukidde...

Minisita w'ebyemizannyo asanyukidde abazadde abatatuulira bitone by'abaana