TOP
  • Home
  • Ageggwanga
  • Omufumbo bamukwatidde mu bwenzi n'akinagguka: Naawe funayo akubeesabeesa'

Omufumbo bamukwatidde mu bwenzi n'akinagguka: Naawe funayo akubeesabeesa'

Added 30th June 2017

OMUSAJJA awunze bw’akutte mukyala we lubona ng’asinda omukwano ne taata w’abaana be gwe yasooka okwagala.

 Naikoba ng’atwalibwa ku poliisi. Ku ddyo ye Kozaala nnyini mukazi ate mu katono ye Koowa omusiguze

Naikoba ng’atwalibwa ku poliisi. Ku ddyo ye Kozaala nnyini mukazi ate mu katono ye Koowa omusiguze

BYA MOSES LEMISA NE REGINAH NALUNGA

Aisha Naikoba 25, omusuubuzi w’engoye yasoose kufumba Idd ewa bba, Badru Kozaala 48, mu Mukalazi Zooni e Bwaise.

Oluvannyuma yategeezezza bba nga bw’agenda okutunda engoye, kyokka teyakomyewo.

Naikoba mu kusimbula awaka  yasoose kugamba bba (Kozaala) nti agenda kulwayo wabula bwe zaaweze essaawa 4:00 ez’ekiro ku Ssande nga tannakomawo, bba kwe kumukubira essimu wabula nga by’ayogera tebitegerekeka, era essimu n’agiggyako.

Kozaala yatandise omuyiggo gwa mukyala we era gye yayise gye baamutemerezzaako nga Naikoba bwe bamulabyeko mu muzigo gw’omutuuze, era olwatuuseeyo yasanze mukazi we ali n’omusiguze.

Yagenze ku poliisi era abapoliisi baasitukiddemu ne basanga Naikoba ne Koowa, wabula mu kifo ky’okwetonda, Naikoba yakinagguse agamba nti; “Musajja ggwe lwaki tonneesonyiwa, ono ye taata w’abaana era sisobola kumwesonyiwa..”

Kozaala yannyonnyodde nti Naikoba okumufuna yamusanga mu kyalo e Kamuli mu 2014 ng’ensi emukutte, n’amukwana.” Nagenda ewaabwe n’annyanjula era okuva olwo mbadde naye
awaka nga mukyala wange, wabula yagaana okuzaala ne sikitwala ng’ekikulu kuba nnina abaana abakulu.

Wabula neewuunyizza okumukwata ng’asinda omukwano ne taata w’abaana be, ate nga buli kimu mbadde nkimuwa. Kati ebibye nange bikomye era ampe n’essimu yange gye namugulira.”

KYE NKOZE SI KIPYA

Wabula Naikoba mu kwanukula bba yamugambye nti; Kino kye nkoze si kipya buli mukazi akikola era abasajja mukimanye nti taata w’abaana kiba kizibu okumukyawa, oba bansiba bansibe.

Kozaala oli waddembe okunoonya omukazi omulala, ekirungi sikulinaamu mwana. Kitaawe wa Naikoba, Sulaiman Tembeya Ikeme omutuuze w’e Namugongo, bwe yategedde ensonga n’agenda ku poliisi y’e Kawempe n’ategeeza nga Koowa bw’ali omujoozi kuba yafunyisa Naikoba olubuto ng’asoma P7 n’amuzaalamu abaana babiri ate n’amulekawo.

Wabula Koowa yagambye nti abadde tamanyi nti Naikoba mufumbo.

Yagambye nti abeera Mukono, era okujja e Bwaise Naikoba ye yamuyise.

Conrad Muzoora omukwanaganya wa poliisi n’omuntu wa bulijjo e Kawempe yategeezezza nti omukyala ono okucanga abasajja ababeera ku kyalo kimu kikyamu nnyo, ne yeebaza Kozaala obutatwalira mateeka mu ngalo. Bagguddwaako omusango guli ku fayiro nnamba REF:84/27/06/2017.

More From The Author

Emboozi z’omuwandiisi endala

Emboozi endala

Omusajja yansuulawo ng'omwa...

Nze Scovia Twetise 28, mbeera Bulamu-Gazaya, Texas. Mu 2005, nalina emyaka 15 omusajja yantuukirira n’ahhamba nti...

Eyagenda okusoma ddiguli e ...

Talina mpapula kw’akolera era agamba tasobola kudda kubanga bw’adda taddayo

Abatudde okuva ku kkono; Godfrey Nyola, Saul Kizito, Isaac Ngobya ne Pasita Paul Musisi ate abayimiridde okuva ku kkono; Kennedy Lubogo, Edward Baguma, Jimmy Ssekandi

Aba 'Former Footballers In...

Abaaguzannyako abaabaddewo kuliko; Saul Kizito (Nile FC), Isaac Ngobya (Bell), aba Express okuli Kennedy Lubogo,...

Kamaanyi eyatolosa Ssekabak...

Dan Kamaanyi, eyatolosa ssekabaka Muteesa II ekibabu kya Milton Obote eyalumba olubiri mu 1966 ng'ayagala okumutta,...

Muyigire ku bajulizi abakki...

MUK'OMULABIRIZI wa West Buganda Can.Elizabeth Julia Tamale y'ayigirizza mu kusaba okw'okujjukira abajulizi ba...