TOP
  • Home
  • Amawulire
  • Kato Lubwama akuba bulatti mu gw'obutasoma ogwamuwawaabirwa

Kato Lubwama akuba bulatti mu gw'obutasoma ogwamuwawaabirwa

By Musasi wa Bukedde

Added 7th August 2017

OMUBAKA Kato Lubwama (Lubaga South) akuba bulatti, omulamuzi Steven Kavuma bw’agaanye okuva mu musango gwe nga Habib Buwembo bwe yasaba ng’alumiriza omulamuzi okuba ne kyekubiira.

United703422 703x422

Omubaka Kato Lubwama (wakati) nga yeetegereza ebiwandiiko ebyamuweereddwa e Makerere ku yunivasite gye buvuddeko

Looya Isaac Ssemakadde awolereza Habib Buwembo aludde ng’akissa ku mulamuzi Kavuma nti tasobola kusala musango gwa Kato mu mazima kubanga amulinako akakuku.

Buwembo yawawaabira Kato Lubwama ng’ayagala aggyibwe mu palamenti ng’agamba nti ebiwandiiko bye si bituufu.

Ssemakadde agamba nti okusinziira ku misango gy’abadde awoleza mu maaso ga Kavuma, egisinga agigoba nga ne mu guno bwe kijja okuba singa taguvaamu.

Leero, omulamuzi Kavuma awadde ensala ye n’agaana okuguvaamu.

Agambye nti yalayira obutaba na kyekubiira ng’asala emisango era nga kino ky’agenda okugenderako.

Ayonngeddeko nti walina okubaawo ensonga ey’amaanyi eggyisa omulamuzi mu musango naye Ssemakadde tagirina.

Kavuma agambye nti amateeka tegakkiriza muntu aleese musango kwerondera mulamuzi.

Mu musango guno, Kato Lubwama yajulira ng’awakanya ensala y’omulamuzi wa kkooti enkulu Margret Oguli eyakkiriza Buwembo okuleeta omusango oguwakanya obuyigirize bwe yadde ng’ekiseera mwe yalina okuguleeta kyali kyayitako.

More From The Author

Emboozi z’omuwandiisi endala

Emboozi endala

Oo112 220x290

Gav't eyisizza ekiteeso ky'okukuza...

OLUKIIKO lwa baminisita luyisizza ekiteeso ky’okukuza ebibuga mwenda mu ggwanga okuva ku ddaala lya munisipaali...

Vanilla1 220x290

Gav't etadde amateeka amakakali...

GAVUMENTI ereese amateeka amapya ku kulima n’okutunda Vanilla agagenda okuyamba okukuuma omutindo gw’ekirime kino...

1280pxparliamentofuganda 220x290

Palamenti etadde gav't ku nninga...

AKAKIIKO ka palamenti akalondoola ebisuubizo bya gavumenti katadde gavumenti ku nninga olw’okulemererwa okutuukiriza...

Capture 220x290

Omukazi alina ettutumu ng’oli wa...

Nneetaaga mukyala ow’obuvunaanyizibwa, alina ettutumu, ow’ebbeeyi omusawo, omubaka wa palamenti, looya n'abalala....

Unity 220x290

Njagala eyeetegese okuwasa

Nneetaaga omwami okuva ku myaka 40 n’okweyongerayo, atya Katonda, alina empisa nga mwetegefu okukola obufumbo n'okwekebeza...