TOP

Kayihura ayimirizza abaserikale 3 e Nansana

By peter ssaava

Added 8th August 2017

OMUDUUMIZI wa poliisi Gen. Kale Kayihura ayimirizza abaserikale basatu e Nansana be yasanze nga bali mu mboozi mu kifo ky’okukola ku bantu.

Mata 703x422

Kayihura ng’ali ku poliisi y’e Nansana.

Abaserikale abaayimiriziddwa ye, AIP Agnes Ikwenya, Sgt. Margaret Andiru ne Cpl. Grace Atono, ababadde bakolera ku poliisi y’e Nansana mu ofiisi ekola ku nsonga z’abaana n’amaka.

Okuyimiriza abaserikale bano kyaddiridde Kayihura okugenda ku poliisi y’e Nansana ku Lwokutaano nga talina muserikale yenna gwategeezezza era bwe yatuuseewo n’asanga abaserikale nga bali mu kunyumya kyokka nga waliwo abantu abaagala okuyambibwa abatudde ebweru.

Kayihura yeewuunyizza okulaba ng’abaserikale batuula butuuzi mu ofiisi abantu ne babaleka nga tebabayam ku bizibu ebiba bibaleese ku poliisi.

Kayihura okutuuka okugenda ku poliisi y’e Nansana kyaddiridde okufuna amawulire g’okutemula abawala mu bitundu by’e Nansana n’asalawo yeesitule agende alabe ekigenda mu maaso mu kitundu kino.

Kayihura ku poliisi y’e Nansananga yatuukidde mu ofiisi eno nga yasanze abaserikale ba banyumya.

Tebaasoose kumulaba era yayimiridde ku mulyango okumala eddakiika nga ssatu nga tebamufaako.

Yayogedde n’abantu be yasanze ku poliisi ne bamubuulira ennaku gye bayitamu nga bazze ku poliisi okuyambibwa.

Abatuuze baamutegeezezza nti ofiisi y’ensonga z’amaka n’abaana abagikolamu batuuka essaawa ze baagala nga ne bwe babaawo tebafa ku bantu baagala kuyambibwa.

Abantu bagamba nti abakyala bwe baloopa babbaabwe nga babatulugunya abaserikale babakubira amasimu ne babasaba enguzi.

Okanda kwewuuba ku poliisi nga tebakunyega okutuusa lwebabivaako.

Abaakwatiddwa bagenda kuvunaanibwa mu kitongole kya PSU ekikwasisa empisa.

More From The Author

Emboozi z’omuwandiisi endala

Emboozi endala

Rashford111 220x290

Atendeka ManU agobye Pogba mu kukuba...

Solskjaer agamba nti Rashford y'alina okusooka okwesimba mu peneti za ManU ng'omuzannyi omulala tannagyesimbamu....

Buchanan asimbiddwa mu Kkooti y'amagye...

Omusubuuzi wa zaabu Samuel Buchanan asimbiddwa mu kkooti y’amagye n'avunaanibwa okusangibwa n’emmundu n'amassi...

Kanso1web 220x290

Olutalo e Nakawa; Bakansala ne...

AKALEEGA bikya akali wakati wa meeya wa Nakawa, Ronald Balimwezo ne bakansala kasinze kwetooloolera ku nsonga za...

Buchanan asimbiddwa mu kkooti y'amagye...

Omusubuuzi wa zaabu Samuel Buchanan asimbiddwa mu kkooti y’amagye n'avunaanibwa okusangibwa n’emmundu n'amassi...

Npc03webuse 220x290

Abavubuka bayambibwe mu byobulamu...

Abavubuka basaana bayambibwe mu byobulamu basobole okwekuuma, okwejjanjabisa n'okumanyisibwa ebikwata ku byobulamu...