TOP
  • Home
  • Amawulire
  • Muleete abalumiriza Sheikh Mwanje okutemula Maj. Kiggundu - Kkooti

Muleete abalumiriza Sheikh Mwanje okutemula Maj. Kiggundu - Kkooti

Added 8th August 2017

OLUDDA oluwaabi mu musango gwa Sheikh Yahya Mwanje lulagiddwa okutandika okuleeta abajulizi abamulumiriza okutta Maj. Muhammad Kiggundu obutasukka August 22, 2017.

 Sheikh Mwanje (owookubiri ku kkono) ng’ava mu kkooti ne banne eggulo. Ku kkono ye munnamateeka waabwe Friday Kagoro.

Sheikh Mwanje (owookubiri ku kkono) ng’ava mu kkooti ne banne eggulo. Ku kkono ye munnamateeka waabwe Friday Kagoro.

Kino kiddiridde kkooti Enkulu okuyita fayiro ya Mwanje eggulo, ye n’aba bodaboda mwe bavunaanibwa emisango gy’obutemu mu maaso g’omulamuzi Wilson Kwesiga ne bagyegaana mu butongole.

Mwanje avunaanibwa ne Muhammad Buyondo ne Abdul Wahaab Ssendegeya abavuzi ba bodaboda ku siteegi ye Nsangi ne Musa Ssekandi omusuubuzi w’e Masanafu.

Bano bagambibwa okukuba amasasi Maj. Kiggundu eyali bba wa maama Fiina n’omukuumi we Sgt. Steven Mukasa agaabatta nga November 26, 2016 mu kabuga k’e Masanafu.

Obumu ku bujulizi oludda oluwaabi bwe luleeta bulaga nti ku lunaku Kiggundu lwe yattibwa, Mwanje yalabibwako ng’alawuna ku Northern By pass okumpi n’awaali ettemu.

Kyokka oluvannyuma lw’ettemu okubaawo, essimu ya Sheikh Mwanje yavaako olunaku lwonna.

Obujulizi obulala bulaga nti abakulembeze abenjawulo mu Busiraamu baaweereza Sheikh Mwanje obubaka ku ssimu nga bamwegayirira okukwatibwa Maj. Muhammad Kiggundu ekisa n’obutagenda mu maaso na nteekateeka ze ez’okumutta.

Oluvannyuma lwa Kiggundu okuttibwa, abakugu mu poliisi baakebera essimu ya Sheikh Mwanje ne basangamu obubaka buna nga bwonna bwegayirira Mwanje obutatta Kiggundu.

Ate ku Abdu Wahab Ssendegeya ne Muhammad Buyondo, kigambibwa nti baali mu kabinja akatigomya Kampala nga bano Mwanje be yeeyambisa okutta Kiggundu era baateranga okwogeraganya ku ssimu. Kkooti eyagala abajulizi mu bwangu.

More From The Author

Emboozi z’omuwandiisi endala

Emboozi endala

Agugulana ne KCCA atiisizza...

HAJJI Rashid Ssenyonjo Musisi atiisizza okukung'anya famire ye batuule mu luguudo ompi n'amayumba ge e Lweza...

Trump anywezezza ebyokwerin...

Abaserikale abamukuuma beebulungudde White House okuva mu ggye erimanyiddwa nga The Washington, DC National Guard,...

 Mwamula Juma, the UPTU General Secretary speaking the press in Kampala. Looking on is a member of UPTU. Courtesy photo

Uganda Private Teachers Uni...

Mwamula Juma, the UPTU General Secretary said the government directive is more of a populist voice than a realistic...

 Kayiwa

Munnamakolera asabye Gav't ...

MUNNAMAKKOLERO Steven Kayiwa nga y'akiikirira Bannamakkolero mu lukiiko lwa Buganda olukulu asabye gavumenti eyawakati...

Bagabidde abakozi b'Abachin...

MINISITULE y'ebyobulamu egabidde abakozi mu b'omu nnimiro z'abachina abalimira omuceere mu Lwera n'abavubi b'oku...