TOP
  • Home
  • Ageggwanga
  • Omuvubi abajaasi gwe baayokerezza emmaali yeetugidde mu maka ga mukyala muto

Omuvubi abajaasi gwe baayokerezza emmaali yeetugidde mu maka ga mukyala muto

By Ssennabulya Baagalayina

Added 9th August 2017

OMUVUBI gwe baayokerezza ebintu bye ng’abajaasi babagoba ku mwalo gw’e Mitondo e Bukakatta mu Masaka, yeetugidde mu maka ga mukyala muto, omusawo mu ddwaaliro ly’omu kitundu.

Kuba 703x422

Poliisi ng’etwala omulambo gwa Kyeyune (mu katono).

Fred Kyeyune bwe yabadde tanneetuga yasoose kucakala ne banne mu ndongo n’abagamba nti lwe lwabadde olunaku lwe basembye okumulaba n’abagulira omwenge n’ababuulira obuzibu bw’ayitamu bukya obutimba n’amaato ge bisaanyizibwawo abajaasi abaabagoba ku mwalo.

Bwe yavudde mu ndongo yasibidde mu maka g’omusawo nga yabasanze beebase ne yeetugira mu mulyango wakati. Mukazi we n’abaana tebaategedde nti yesse.

Beekanze ku makya okumusanga ng’alengejjera ku muguwa ne bayita abatuuze.

Kyeyune yeetugidde mu maka ga musawo Annet Nabasirye ng’omwana waabwe wa myaka ebiri gyokka.

Kigambibwa nti Kyeyune ssente bwe zaamuggwaako, Nabasirye n’alekera awo okumufaako nga kino kibadde kimutabula omutwe nga kirowoozebwa nti yakomyewo n’agaana okumuggulira kwe kusalawo okwetugira mu mulyango gw’ennyumba.

Mukwano gwa Kyeyune, Ivan Mulungi yagambye nti baayawukanye ku ssaawa 9:00 ez’ekiro ng’obwedda y’abaggulira omwenge. Ssentebe wa LCI, Lukuli Aloysius Ngobya Matovu yagambye nti Kyeyune abadde musirise ng’okuva lwe yawasa musawo Nabasirye abadde ajja n’obutimba bwe n’abwanika era abadde tamanyi nti balina obutakkaanya bwonna.

Musawo Nabasirye abudaabuda abalwadde ku by’akawuka ka siriimu ku ddwaaliro lya Bukulula Health Centre IV, yategeezezza nti bba abadde n’ebbanja lya bbanka nga limusuzza bubi.

Ssente ze yeewola yazigulamu obutimba n’amaato ng’amanyi nti ajja kuzizzaayo kyokka abajaasi bwe baabyokya embeera n’etabuka.

“Abadde akyogera lunye nti ebizibu bimuyinze obungi kuba talaba waakuggya ssente nga tavuba. Kyokka nga mugumya ebbanja tulisasule mpola nga simanyi nti munda alinamu endowooza endala,”Musawo Nabasirye bwe yagambye.

Abantu bagamba nti Kyeyune okwetta yasoose kwetegeka nga yatutte ensawo mu kaabuyonjo nga mulimu engoye n’ekifaananyi kye yeekubisa ne Nabasirye n’assaamu n’akapapula okuli nnamba z’essimu z’abantu be.

Ssentebe w’eggombolola eno, Charles Muyanja ne kansala Charles Sserwanja ne Mathias Kintu baasabye Gavumenti erabe engeri gy’eyambamu abaafiirwa ebintu byabwe kuban abasinga baabaleka mu mabanja.

More From The Author

Emboozi z’omuwandiisi endala

Emboozi endala

Amomentwithteachergracenampiimaeditortotomagazinewebuse 220x290

Ensonga 5 lwaki omwanawo olina...

Abakugu bakulaga ensonga lwaki osaanye okusasulira omwana wo okugenda okulambula

Passionfruitpannacotta800800webuse 220x290

Ebivaako omwana okuziyira

Genderera omwana wo okutangira okuziyira okusobola okutangirwa

4webuse 220x290

Omuwendo gw’abantu abakozesa kondomu...

Bannayuganda bakubiriziddwa okwettanira okukozesa kondomu bwe tunaaba baakumalawo siriimu ng'omwaka 2030 tegunnatuuka...

Unity 220x290

Akwatibwa ng'awa abaana abataayaayiza...

EBYOKUSAAGA bikomye: Minisita w’ensonga z’abaana Florence Nakiwala Kiyingi ategezezza nti omuntu yenna anaakwatibwa...

Unique 220x290

Etteeka ku bamansa kasasiro lijja...

MINISITA avunaanyizibwa ku guno na guli Mary Karooro ategeezezza nti gavumenti egenda kuleeta erobonera abamala...