TOP

‘Serugga nkooye okukubanja embaga’

By Musasi wa Bukedde

Added 12th August 2017

OMUYIMBI Catherine Kusasira eyakazibwako erya maama kabina asabye bba Fred Sserugga amukube embaga kiggwe kubanga akooye okumuyimbira.

Manya 703x422

Bino Kusasira yabyogeredde ku kabaga k’amazaalibwa ke baamukoledde ku Hotel Triangle ku Lwokuna ekiro ng’ajaguza emyaka 35 era ono yeewaanye nti ye muyimbi yekka atalimba myaka n’agattako nti Katonda yamutonda bulungi kubanga asinga n’abalina 20 okunyirira.

Okumala emyaka, Kusasira ne Sserugga bazze basuubiza abawagizi baabwe okwanjula n’embaga ne batakituukiriza nga ne ku ntandika y’omwaka guno baalangirira okwanjula mu August gwe tulimu ekyawaliriza bannaabwe Doreen Mutiibwa ne Michael Kinene nabo abaali bateeseteese okwanjula mu mwezi gwe gumu okwongezaayo omukolo ogwabwe kyokka n’okutuusa kati tewali kabonero kalaga nti omukolo gwa ba Kusasira ne Sserugga gugenda kubaayo.

Ababali ku lusegere bagamba nti wadde Kusasira emikolo gino agyagala nnyo era buli lukya agyesunga, Sserugga y’akyalemesezza olw’obutasalawo.

Nga bino tebinnabaawo abantu abeetabye ku kabaga kano okwabadde abayimbi, ab’oluganda, ab’emikwano wamu ne minisita Godfrey Kiwanda Ssuubi eyabadde omugenyi omukulu baasoose kwerabira katemba atali musasulira, omu ku mikwano gya Kusasira eyabadde amuwerekerako ng’abuuza ku bantu nga yakatuuka bwe yamusindise nagwa mu kidiba ekiwugirwamu ekiri mu kifo kino.

Wakati mu kutya Kusasira yayolesezza obukugu mu kuwuga. Mu mbeera ey’okulaga laavu, Sserugga alina oluyimba lwe yayiiyirizza Kusasira lwe yamuyimbidde nga lulimu obubaka obumusiima nga mu luyimba agamba nti ekimu ku bintu by’asinga okumwagalako butamukyawa ne bwe bamuwa emmotoka ez’ebbeeyi asigala amwagala era wano abantu abamu baawuuliddwa nga bagamba nti yandiba ng’akoona Afande Titus eyaganzaako Kusasira n’amuwa n’emmotoka ekika kya Prado kyokka oluvannyuma baayawukana era Kusasira n’addayo ewa Sserugga.

More From The Author

Emboozi z’omuwandiisi endala

Emboozi endala

Ebigezo by'e Mbarara byatuukidde...

Ebigezo bya S4 ebya UCE byatuusidwa ku Poliisi y'e Mbarara nga bikuumibwa butiribiri abaserikale ba miritale...

Exams3 220x290

Ebibuuzo bya UCE 2019 bitandise...

Ebibuuzo bya S4 bitandise na kigezo kya Physics Practicals.

Buku1 220x290

Magogo azzeeyo ku butaka gy'azaalibwa...

FIFA olwamaze okumukaliga emyezi ebiri nga teyeenyigira mu mupiira, Moses Magogo, abadde pulezindeti wa FUFA, yasibidde...

Goat46 220x290

Abantu basalawo batya okwambulira...

NAYE nga ddala lwaki Bannayuganda balemwa okwambalira emikolo gy’abantu ne basalawo okwambalira embuzi obubuzi...

Kol0 220x290

Katikkiro akubirizza Bannamawokota...

KATIKKIRO Charles Peter Mayiga agambye nti ebyenjigiriza ensangi zino byetaaga okutumbula ebitone by'abaana, okubateekamu...