TOP
  • Home
  • Amawulire
  • Museveni alamaze e Kiwamirembe n’abawa obukadde 100

Museveni alamaze e Kiwamirembe n’abawa obukadde 100

By Rogers Kibirige

Added 16th August 2017

PULEZIDENTI Yoweri Kaguta Museveni alamaze e Kiwamirembe ne yeetondera Abafaaza n’ababiikira b’ekigo ky’e Lweza olw’emizinga gye baakubanga nga basinziira ku lusozi Kiwamirembe mu lutalo olwaleeta Gavumenti mu buyinza.

Pala 703x422

Ssentebe wa Wakiso, Bwanika (ku ddyo) ng’ayaniriza Museveni e Kiwamirembe. Emabega ye Margaret Zziwa ne Vicar wa Kampala, Charles Kasibante.

“Katonda yeebazibwe okutuwa obulamu n’eddembe, njagala okwetonda kubanga emizinga egyo egyatawaanya ab’ekigo eri wansi nange nali ngimanyiiko naye mu budde obwo tetwalina kyakukola, twalina okukozesa emizinga, kubanga abaateeka wano emizinga ndowooza Batanzania ate nange nali nabo.

Ate wali e Bwebajja we twakubira amagye g’omusajja waffe Muamar Gadhafi agaali gazze okuwagira Amin.

Noolwekyo, njagala okwetonda ku lw’abalwanyi abaatawaanya abantu abo kubanga balabika baatawaanya Abasosodooti n’ababiikira mu butamanya n’abantu ba Katonda abalala.

Ekirungi, olutalo olwo lwavaamu eddembe wadde lwalwawo naye ku nkomerero kati tulina eddembe,” Museveni bwe yategeezezza.

Okwetonda kwa Pulezidenti kwaddiridde Ssaabasumba w’essaza Ekkulu erya Kampala, Dr. Cyprian Kizito Lwanga eyakuliddemu mmisa ng’Abakristu bajjukira amalinnya ga Biikira Maria mu Ggulu okutegeeza nga olusozi Kiwamirembe bwe luli olukulu ennyo mu ddiini y’Obukatoliki ate nga lwa byafaayo nnyo eri eggwanga lyonna.

Dr. Lwanga yagambye nti mu myaka gya 1970, olusozi luno lweyambisibwa okusimbako emizinga egyakubibwa mu kuwamba ekibuga Kampala.

Museveni yeebazizza Bannayuganda olw’okujjumbira enkola ya demokulasiya ne balonda Gavumenti ye esobola okunyweza eddembe buli luvannyuma lwa myaka etaano era n’awa ekyokulabirako ky’okudduka emisinde gy’embiro egy’okukwata akati ke yagambye nti bannansi bakakutte bulungi.

Museveni yawadde abakulira ekifo kino obukadde 100 okukikulaakulanya.

Obukadde 20 yabubawadde mu kkaasi ate 80 n’asuubiza okuzitikka Margaret Zziwa eyamubuulidde amakulu g’ekifo kino.

 

More From The Author

Emboozi z’omuwandiisi endala

Emboozi endala

Mag1 220x290

Omubaka wa Igara West Rafael Magyezi...

Omubaka wa Igara West Rafael Magyezi eyaleeta ekiteeso ky'okuggya ekkomo ku myaka gya Pulezidenti aweereddwa obwa...

Bra1 220x290

Biibino bye wasubiddwa mu mpaka...

Biibino bye wasubiddwa mu mpaka z'emisono

Ritahpenny1 220x290

Akabaga k’amazaalibwa ga Ritah...

Ritah Penny bamukoledde akabaga k'amazaalibwa akamucamudde.

Lytobosswife4 220x290

Mukyala wa Lyto Boss asulirira...

Omuyimbi Lyto Boss yeesunga 'ssukaali' mukyala we asulirira kuzaala

Hazard333 220x290

Hazard asuubizza aba Chelsea

Hazard agamba nti bw'aliba avudde mu Real Madrid, ayinza okuddayo mu Chelsea.