TOP

Ogwa Sheikh Mwanje gwongezeddwayo

By Musasi wa Bukedde

Added 22nd August 2017

OMULAMUZI wa kkooti enkulu Wilson Kwesiga alagidde oludda oluwaabi okuwa balooya wa Sheikh Yahya Mwanje obujulizi bwonna bwebagenda okwesigamako mu musango basobole okufuna obudde okutegeka engeri gyebanewoozako.

Mwanje1 703x422

Sheikh Yahya Mwanje ng'aliko by'ategeeza looya we Roberts Kagolo. Ku mabbali ye Muhammad Buyondo, omu ku bavunaanibwa mu musango gw'okutta Maj. Kiggundu, eyali bba wa Maama Fiina. EKIF: ALICE NAMUTEBI

BYA ALICE NAMUTEBI

Kino kiddiridde omuwaabi wa gavumenti John Baptist  Asiimwe  okusaba wiiki 3 asobole okutegeka engeri gyebagenda okuumamu abajulizi n’okuwaayo obujulizi eri balooya ba bawawaabirwa. 

Wabula omulamuzi Kwesiga agaanye okusaba kwe bw'agambye nti wiiki 3 z'asaba nnyingi nnyo nga n’okutegeka engeri gye bagenda okukuumamu abajulizi tekitwala wiiki. 

Alagidde nga September 7,2017 oludda oluwaabi okumaliriza emisoso gyonna kkooti esobole okutandika okuwulira omusango guno. 

Sheikh Yahya Mwanje avunaanibwa omusango gw’okutta Maj. Muhammad Kiggundu eyali bba wa maama Fina. 

Avunaanibwa n’aba boda boda 2 okuva ku siteegi ye Nsangi Muhammad Buyondo ne Abdu Wahab SSendegeya n’omusuubuzi  Musa Ssekandi. 

Kiggundu yattibwa n’omukuumi we Sgt. Steven Mukasa nga November 26, 2015 mu tawuni y'e Masanafu bwe baali bagenda ku leediyo emu okukola pulogulaamu.

More From The Author

Emboozi z’omuwandiisi endala

Emboozi endala

Bre 220x290

Aba Miss Uganda batongozza okugaba...

Aba Miss Uganda batongozza okugaba paadi mu masomero ng'erimu ku makubo okumalawo ekizibu ky'abayizi abawala abayosa...

Lukyamuziwebuse 220x290

Mukozese ekisiibo okwezza obuggya...

Abayizi bakubiriziddwa okukozesa ekisiibo kino okwenenya olwo bafune obulamu obulungi.

Gattako 220x290

Hosni Mubarak owa Misiri yafudde...

EYALI Pulezidenti wa Misiri, munnamagye Hosni Mubarak, bannansi gwe baanaabira mu maaso ne bamumaamula ku ntebe...

St14 220x290

Obululu bwa Stambic Uganda Cup...

Obululu bwa Stambic Uganda Cup bukwatiddwa

Got12 220x290

Emmotoka z'empaka zizzeeyo e Jinja...

Emmotoka z'empaka zizzeeyo e Jinja