TOP

Eyasse omwana we bamukutte

By Ponsiano Nsimbi

Added 27th August 2017

POLIISI y’e Kanyogoga – Namuwongo mu Munisipaali y’e Makindye ekutte omukazi agambibwa okutta omwana we ow’emyezi esatu omulambo n’agusuula mu kisaalu okuliraana n’omwala gw’e Nakivubo.

Philly 703x422

Nabakooza ( ali wakati) nga yakakwatibwa abatuuze.

Fiona Nabakooza 26, ow’e Najjanankumbi mu Stella Zooni abatuuze b’e Namuwongo ne poliisi baamukutte bwe yabadde agezaako okudduka oluvannyuma lw’okusuula omulambo gw’omwana we, Angel Nalubega mu kisaalu.

Isaac Oyat, omu ku baalabye Nabakooza ng’afubutuka mu kisaalu yategeezezza nti yalabye bodaboda ng’emuleeta n’emuteeka okumpi n’omwala n’asasula owa bodaboda eyamuleese n’asimbula n’amuleka awo.

Yagambye nti yamulebye nga yeefubitika ekisaalu ng’alina ebintu by’akutte kyokka yagenze okuvaayo nga talina kintu kyonna ekyamuleetedde okumwekengera n’atemya ku banne.

Oyat yagambye nti banne be yayise baatandise okumugoberera era bwe yategedde nti waliwo ekikyamu n’adduka nabo kwekumugoba ne bamukwata.

Baabadde baakamukwata poliisi n’etuuka n’aba bodaboda ne bategeeza nga munnaabwe bw’abagambye nti waliwo omukyala gw’aleese n’omwana nga yandiba ng’amusudde mu mwala.

Fred Mwesigwa ssentebe w’e kitundu kino, yagambye nti abatuuze nga bali ne poliisi baasobodde okuggyayo omulambo mu mwala gye gwabadde gusuuliddwa Nabakooza n’atwalibwa ku poliisi bakole okunoonyereza.

More From The Author

Emboozi z’omuwandiisi endala

Emboozi endala

Kola 220x290

Leero mu mboozi y'omukenkufu, tukulaze...

OKUFAANANAKO Vanilla, abantu bangi baalima Moringa naye oluvannyuma ne bamutema yenna bwe baabulwa akatale era...

Abazibizi bayambye KCCA okusigala...

ABAZIBIZI ba KCCA okuli Peter Magambo ne Filbert Obenchan beetisse olunaku oluvanyuma lw'okuteebera ttiimu yaabwe...

Af09802412db404ba5f90092737e343c 220x290

Beeraze eryanyi mu mpaka za ddigi...

Bannayuganda bababuusizza 'ebibanda' mu mpaka za ddigi e Busiika

8501711138333059433538208315854187468423168o 220x290

Munnayuganda Joshua Cheptegei amenye...

Munnayuganda Joshua Cheptegei amenye likodi y'ensi yonna

Writer 220x290

Omusajja yeetugidde ku buko!

OMUSAJJA agenze ku buko mukyala we gw’alinamu abaana mwenda gye yanobera ne yeetugira ku muti.