TOP
  • Home
  • Amawulire
  • Togikwatako: Aba FDC 4 e Mbarara tebamanyiddwaako mayitire

Togikwatako: Aba FDC 4 e Mbarara tebamanyiddwaako mayitire

By Muwanga Kakooza

Added 22nd October 2017

ABAWAGIZI ba FDC bana e Mbarara tebamanyiddwaako mayitire oluvannyuma lw’okukwatibwa ab’ebyokwerinda abatabaadde mu yinifoomu bwe baabadde bagenda okutogonza ‘Togikwatako’ mu kibuga kino ku Lwomukaaga.

Panda1 703x422

Abaserikale nga bawalaawala abawagizi ba FDC

Ssentebe w’abavubuka ba FDC, Yasin Matsiko, munne Mohammad Mpagi  n’abalala babiri abatannamanyika mannya be baakwatiddwa abaserikale abaabadde  mu ngoye eza leeya nga bambalidde emmundu okwabadde pisito ttaano n’ennene AK 47 ssatu ne babassa mu mmottoka ya buyonjo ku Lwomukaaga ne batwalibwa mu kifo ekitannamanyika.

Ab'eng'anda zaabwe basattira ng’abamu bali mu maziga olw’obutamanya bantu baabwe gye bali nga bagamba nti batuuse ku poliisi n’ebagamba tebalina.Ababakutte babayingiza emabega w’emmottoka ey’ekika kya ‘Noah’ n’ebulawo.

Bino byabaddewo ku Lwomukaaga ssaawa nga ttaano abavubuka ba FDC bwe baabadde bagenda okutongoza ‘togikwatako’ ku Confort Hotel e Mbarara.

Bukedde eyabadde agenze okukwata amawulire yasanze abavubuka babafukamizza wansi era oluvannyuma ne bayingizibwa mmottoka.

Mukyala wa  Yasin , Aisha Nakayima yagambye  yabadde tamanyi nti bba yakwatiddwa. Ate mukyala wa Mpagi, Amina Naluyinda,  eyabadde akaaba yagambye nti guno ssi gwe gusoose bba okukwatibwa. N’agamba nti bombi baakwatibwako ne batwalibwa e Nalufenya ne bakomawo ng’embeera ssi nnungi.

Omuduumizi wa poliisi e Mbarara Isac Kambugu yagambye talina ky’abimanyiiko. Ate omwogezi wa poliisi mu kitundu kya Rwizi Samson Kasasira naye yagambye tanabitegeera bulungi.

Akulira ekibiina ky’eddembe ly’obuntu ekya ‘Foundation for Human Rights Initiave’ Dr. Livinstone Ssewannyana  avumiridde ekikolwa kino n’agamba nti ebintu nga bino bijja kwongera abantu obusungu era biyinza n’okuvaamu okuyiwa omusaayi.

Agamba nti buli ludda lusaanye okuwuliriza lunnaalwo n’ab'ebyokwerinda okukomya okutulugunya abawakanya ‘Okugikwatako’.

Omumyuka w’omwogezi wa FDC, Paul Mwiru, yagambye nti abaakwatiddwa bwe baba balina omusango babaleete mu kkooti.

N’ayongerako nti bwe kitaakolebwe mu nnaku bbiri bagenda kweyambisa amateeka babakake okubata.

More From The Author

Emboozi z’omuwandiisi endala

Emboozi endala

Tteeka1 220x290

Ebintu 10 ebivaako abakazi okwetamwa...

Omukazi ayinza okukyawa akaboozi oba obutabeera mu mbeera za kwegatta olw’ensonga ezitali zimu.

Genda 220x290

Sheikh Muzaata: Kuva dda nga musajja...

SHEIKH NUHU MUZAATA Batte yazaalibwa mu myaka gya 1950 e Bwayise mu Lufula Zooni okumpi ne Kimombasa mu maka g'omugenzi...

Tteeka2 220x290

Baleese etteeka ku kunyumya akaboozi...

GGWE ssebo abadde alowooleza mu bya, ‘omusajja tammwa kantu’, bukukeeredde! Palamenti ereese etteeka mw’osobola...

20128largeimg210aug2012144442107703422 220x290

Ab'e Kibuli boogedde ku bya Kenzo...

Sheikh Abdul Salaam Mutyaba Imaam w’omuzikiti gw’e Kibuli yagambye bakyetegereza ebya Kenzo era bagenda kutuuza...

Kulanna 220x290

Eyali bba wa Kulannama awadde Kenzo...

Eyali bba wa Senga Kulannama n’amugoba, Abdul Lubega, awadde Kenzo amagezi nti byonna by’ayitamu ye (Lubega) bifaanana...