TOP
  • Home
  • Amawulire
  • 'Abanoga n'okusuubula emmwaanyi embisi baakuweweenyulwa kibooko'

'Abanoga n'okusuubula emmwaanyi embisi baakuweweenyulwa kibooko'

By Musasi wa Bukedde

Added 6th November 2017

KIBOOKO zigenda kuvaayo okuwewenyula abanaasangibwa nga baanise n'okunoga emmwanyi embisi kuba baviirideko obubbi bw'emmwanyi okweyongera n'okutta omutindo gwazo.

Kuba 703x422

Kamisona wa Poliisi y'ebyobulimi ng'ayogerako eri abalima n'abasunsula emmwaanyi. EKIF: SAMUEL KANYIKE

Bino byayogeddwa omukungu okuva mu kitongole ekivunaanyizibwa ku mutindo gw'emmwanyi ekya UCDA, Alice Nansamba ng'ali e Kasana - Luweero mu lukiiko olwetabiddwaamu abalimi, abasuubuzi n'abasunsula emmwaanyi.

Kino kyaddiridde abalimi okwemulugunya ku babbi abawulula emmwaanyi zaabwe ekiro ne basala n'amatabi ne banogera ebbali nti be bavuddeko bannannyini mmwanyi okusalawo okuzinoga nga mbisi.

Nansamba yagambye nti emmwaanyi erinnya lyazo kibooko n'agamba nti oyo atawuliriza leediyo, kulaba ttivvi na kusoma mpapula z'amawulire ebirabula ku mmwaanyi embisi ne yeekwasa obutamanya mateeka asigale ku kizinga kuba ebiddirira ng'akwatiddwa y'anaamanya.

Yagambye nti agula emmwanyi embisi ye yeeyagalira nga teri amukaka n'ayongerako nti oyo yenna anaakakanyala ne yeefuula nnantagambwako bamulonkome akolweko

Yavumiridde abagula ebimuli ne baseera bannanyini mmwanyi ne babaviirako okuzibba n'abasaba okuva ku nkola eno bategeeragane abalimi babawe kkiro z'emmwaanyi nga zimaze okwanikibwa okusinga okulemera mu nkola y'obubbi gye yagambye nti tekyakola.

OWA POLIISI Y'OBULIMI AYOGEDDE

Kaminsona avunaanyizibwa ku poliisi y'obulimi, Hillary Odoch yalambuliridde abantu mu mateeka g'emmwanyi amapya kyokka n'anenya abaami abatunda emmwanyi ne batagabana na bakyala na baana baabwe nti nabo baviiddeko okubba emmwanyi.

Yasabye abalimi okussa abakuumi mu nnimiro zaabwe naddala ng'emwaanyi zitandise okwengera bakwate ababbi bakangavvulwe.

More From The Author

Emboozi z’omuwandiisi endala

Emboozi endala

Laga 220x290

Aba NRM ababeera mu mawanga g'ebweru...

SSABAWANDIISI wa NRM Kasule Lumumba asabye Bannayuganda abali mu mawanga g’ebweru okukomya okusiiga ensi yabwe...

Pata 220x290

Babakutte balimira mu kibira ky’e...

OMULAMUZI akulira kkooti ento e Masaka, Deogratious Ssejjemba yeesitudde n’agenda e Kasanje mu ggombolola y’e Kyesiiga...

Mate 220x290

Babakutte balimira mu kibira ky’e...

POLIISI y’e Mpigi ngeri wamu n’abakulira ekitongole ky’eby’ebibira mu ggwanga ekya National Forest Authority (NFA)...

Gano 220x290

Omugagga asenze ebintu bya Klezia...

KLEZIA n’abatuuze abalina ebibanja ku kyalo Nkakwa mu ggombolola y’e Ssi - Bukunja mu disitulikiti y’e Buikwe,...

Wanga 220x290

Obwaddereeva buliko emyaka gy’otolina...

OLUVANNYUMA lw’Omulangira Phillip bba wa Kwiini wa Bungereza, Elizabeth okufuna akabenje ng’avuga mmotoka ku myaka...