TOP
  • Home
  • Amawulire
  • Baagala Gav't ereeta etteeka erikaka balooya okuwolereza abanaku ku bwereere

Baagala Gav't ereeta etteeka erikaka balooya okuwolereza abanaku ku bwereere

By Muwanga Kakooza

Added 12th November 2017

EBIBIINA by’obwannakyewa ebiwolereza abantu abanaku mu by’amatteeka bisabye Palamenti okussa gavumenti ku nninga ereete etteeka erinaasobozesa abanaku bonna okufuna obuyambi buno naddala mu byalo ku bwereere.

Jacoboulanyah 703x422

Omumyuka wa sipiika wa Palamenti, Jacob Oulanyah

Ebibiina bino ebyegattira mu kibiina kya ‘’The Legal Aid Service Providers Network (LASPNET) ‘ okusaba baakukoze basisinkanye omumyuka wa sipiika wa Palamenti, Jacob Oulanyah.

Ebibiina byakulembeddwa ssentebe  w’olukiiko olufuzi Sam Nsubuga.

Akulira ekibiina kino, Muky. Syivia Namubiru Mukasa yagambye nti waliwo obuzibu mu by’amateeka kuba abantu bangi abanaku tebasobola kufuna balooya babawolereza olw’obwavu.

‘’Twakola ebbago ly’okuyamba abanaku okufuna okuwolerezebwa okw’obwereere ne tuliwa olukiiko lwa baminisita eri abatalina busobozi kuba bangi naddala mu byalo tebakufuna,’’ Namubiru bwe yategeezezza.

Yagambye nti waliwo ensonga ng’enkaayana, okusiba abaana abatanneteuuka, okufiira eby’obuggagga n’ebirala ebyetaaga obuyambi kyokka ng’abanaku abasinga tebabifuna,’’ Namubiru bwe yayongeddeko.

Yasabye Palamenti esse gavumenti ku nninga okuleeta ebbago lino, nti bannamateeka abawoza ku bwereere basobola okuyamba abantu bano mu kifo ky’okwenyoolanga ne poliisi.

Oulanya yagambye nti bajja kukikolako mu kiseera ky’okubuuza Katikkiro (Dr. Ruhakana Rugunda ) ebibuuzo mu Palamenti.

N’agamba nti bannakibiina basobola n’okukaka gavumenti okuliwa omubaka ssekinnoomu n’alyanjula mu Palamenti. 

More From The Author

Emboozi z’omuwandiisi endala

Emboozi endala

Mag1 220x290

Omubaka wa Igara West Rafael Magyezi...

Omubaka wa Igara West Rafael Magyezi eyaleeta ekiteeso ky'okuggya ekkomo ku myaka gya Pulezidenti aweereddwa obwa...

Bra1 220x290

Biibino bye wasubiddwa mu mpaka...

Biibino bye wasubiddwa mu mpaka z'emisono

Ritahpenny1 220x290

Akabaga k’amazaalibwa ga Ritah...

Ritah Penny bamukoledde akabaga k'amazaalibwa akamucamudde.

Lytobosswife4 220x290

Mukyala wa Lyto Boss asulirira...

Omuyimbi Lyto Boss yeesunga 'ssukaali' mukyala we asulirira kuzaala

Hazard333 220x290

Hazard asuubizza aba Chelsea

Hazard agamba nti bw'aliba avudde mu Real Madrid, ayinza okuddayo mu Chelsea.