TOP
  • Home
  • Ageggwanga
  • Nadduli agugumbudde abalidde mu NRM abafunvubidde okugisuula

Nadduli agugumbudde abalidde mu NRM abafunvubidde okugisuula

By Musasi wa Bukedde

Added 12th November 2017

Nadduli agugumbudde abagaggawalidde ku Mulembe gwa Museveni kyokka ne bagaana okuwagira enteekateeka ze

Hajinaddulingawayaamunabakulembezebenakasongola 703x422

Hajji Ndduli ng'awayaamu n'abakulumebze ba NRM e Nakasongola. EKIF: SAMUEL KANYIKE

BYA SAMUEL KANYIKE

MINISITA atalina mulimu gwa nkalakkalira, Haji Abdul Nadduli alumbye abantu abagaggawalidde ku mulembe gwa NRM kyokka ne bagirima empindi ku mabega n’abalaalika nti bw'egwa nabo bajja kugenda nayo.          

“Abantu naddala ba “Westerners” abalidde ne bagaggawala n’okusoma ne balya ebifo ebisava ku mulembe gwa Museveni ate ne mumutema enteega mukimanye nti bw'agwa mujja kugenda naye n’obugagga bwe mufunye bugende n’eyabubatuusaako gwe mulwanyisa,” Haji Nadduli bwe yagambye.            

Yasinzidde mu Nakasongola 'Town Council Hall' gye yasisinkanye olukiiko lwa disitulikiti olwa NRM n’agamba nti ye nga Omuganda alekawo Baganda banne n’ayiggira Museveni obululu olw’ebirungi by'akoze ne by'amulabamu kyokka abantu abamu gy’ava ne batabiraba ne baagala kumugoba n’agamba nti kikyamu.           

Yagugumbudde n’ab'ebitongole by’ebyokwerinda abazzeemu okukwata abantu kkooti be yabadde eyimbudde n’agamba nti baagiyisizzaamu olugaayu n’okuswaza gavumenti eyaggyawo obusibiramubbwa okutuuka okwambula omuntu atalina mmundu nga bamussa mu mmotoka.         

Yagasseeko nti n’Abasiraamu si basanyufu olw’okukijjanya Basiraamu bannaabwe mu buli kasonga akabeera kaguddewo.         

Haji Nadduli yasekeredde abakulembeze mu disitulikiti ezaatondebwawo abawakanya okukwata ku Ssemateeka n’agamba nti  singa tebakwata ku mateeka tebandibaddewo n’abasoomoza baddeyo gye baava oba kibi ekyakolebwa.            

Ssentebe wa muvumenti mu disitulikiti ya Nakasongola Christopher Nkoyooyo yategeezezza nti obukiiko bwa NRM obw’abantu 30 obwalondebwa okuva mu byalo busaana okuzzibwamu amaanyi naddala mu by’ensimbi busobole okusaggulira ekibiina obuwagizi.      

Yagambye nti ebisuubizo ebitannatuukirizibwa omuli amasannyalaze pulezidenti ge yasuubiza okutwala ku Nakasongola SS emyaka musanvu egiyise tegatuukanga, amasomero, okukola ku butakkanya wakati wa Menge ne Ssabaluuli, ensonga z’ettaka n’ebirala.

More From The Author

Emboozi z’omuwandiisi endala

Emboozi endala

3f74e568a3684a1eac5d6d555644365318 220x290

Magufuli alagidde abaddukanya ekidyeri...

OMUWENDO gw’abantu abaafiiridde mu kidyeri mu nnyanja Nnalubaale gwongedde okulinnya! Pulezidenti wa Tanzania John...

Sevo 220x290

Ab'e Rubirizi basabye Museveni...

ABAKULEMBEZE b’omu disitulikiti y’e Rubiriizi basabye Pulezidenti Museveni okukoma ku bajaasi ba UPDF okukendeeza...

Budgetkasaijaweb 220x290

Bawera kusimbira kkuuli enteekateeka...

ABABAKA ku kakiiko ka palamenti akavunaanyizibwa ku byobulimi bawera kusimbira kkuuli enteekateeka z’okuyisa embalirira...

Kola 220x290

Mukolerere obukadde bwammwe - Minisita...

MINISITA omubeezi ow’ebyenguudo Gen. Edward Katumba Wamala akubirizza abantu okukolerera obukadde bwabwe nga bakyalina...

42312484102150760182472974931861717081653248n 220x290

Bobi Wine eby’okutulugunya abantu...

BOBI Wine ne banne eby’okubatulugunya babitutte mu kibiina ky’amawanga amagatte (UN ), era boongedde okukungaanya...