TOP
  • Home
  • Agawano
  • Abaana temubalekera bakozi ba waka - Gen. Katumba

Abaana temubalekera bakozi ba waka - Gen. Katumba

By Henry Nsubuga

Added 13th November 2017

Gen. Edward Katumba Wamala nga ye Minisita omubeezi ow’emirimu asabye abazadde okukuuma ennyo abaana mu luwummula balame kubalagajjalira n’okubalekera abakozi.

Mkngen2 703x422

Gen. Katumba ng'afuuwa abayizi oluvannyuma lw'okwolesa ebitone.

Gen. Edward Katumba Wamala nga ye Minisita omubeezi ow’emirimu asabye abazadde okukuuma ennyo abaana mu luwummula balame kubalagajjalira n’okubalekera abakozi.

Katumba yagambye nti abantu ab’obulabe beesomye okuwamba abaana nga bababuzaawo n’ebigendererwa omuli okubasaddaaka n’okubatusaako obulabe obw’enjawulo.

“Abazadde ennaku zino kyannaku nti abaana mubalaga omukwano mungi nga bali ku masomero, bwe kabatanda ne bawummula nga mubalagajjalira oluusi ekibaviirako n’okugwa mu buzibu ate ne mudda mu kukaaba amaziga.

Nsaba twewale embeera eyo ereme kututuukako mu luwummula luno oluwanvu olwa December,” Katumba bwe yategeezezza.

Okulabula kuno, Katumba akukoledde ku ssomero lya Global Junior School e Mukono ng’abayizi aba nnassale boolesa ebitone byabwe omuli okuyimba, okuzina n’okuzannya emizannyo.

Katumba n’abazadde batenderezza ne beewuunya engeri abayizi ate abato ddala gye baabadde boolesaamu ebitone mu ngeri ez’enjawulo.  Abayizi bazannye ennyimba z’abayimbi ssaako okukola omukolo gw’okwanjula mu ngeri ey’ekikugu ekyalese buli muntu ng’abanyeenyeza mutwe.

Katumba yasabye abazadde obutaddayo kukuba oba okulemesa abaana baabwe okuyimba n’okuzannya emizannyo wabula babayambe okulaba nga batumbula ebitone byabwe. Bano baabadde batambulira ku mulamwa ogugamba nti “okusoosowaza obuwangwa mu nkulaakulana”.

Ne RDC w’e Mukono, Maj. David Matovu naye yasabye abazadde okuyamba abaana okutumbula ebitone byabwe kuba kati gwe gumu ku mirimu emikulu egiyimirizaawo abantu nga babiggyamu ensimbi ezisinga n’abaasoma abalina ddiguli.

Omukulu w’essomero, Anthony Kato Ssentongo yategeezezza nti ng’essomero bafuba okulaba nga batumbula obuwangwa n’ennono mu bayizi okuviira ddala nga bakyali bato.

More From The Author

Emboozi z’omuwandiisi endala

Emboozi endala

Pulezidenti Museveni ne Kagame...

PULEZIDENTI Museveni ne munne Paul Kagame enkya ku Lwokusatu basuubirwa okuddamu okusisinkana mu Angola mu lukung’aana...

Katolubwamalubaga2 220x290

Honalebo ennuuni eyo tugende nayo...

OMUBAKA wa Lubaga South, Kato Lubwama asimbudde. Ku Lwokutaano yababidde abatuuze b’e Lubaga South ebintu omwabadde...

Sengendo2002web 220x290

Twagala abakazi abateekomomma mu...

Abasajja banoonya abkazi baakuwasa nga tebeekomomma mu kulaga amapenzi, abalungi ate nga baabuulirirwa

Sharonweb 220x290

Banoonya abasajja abateemotyamotya...

Abakazi abanoonya abasajja abateemotyamotya mu laavu.

Prowew 220x290

Proline etutte Matia Lule

Ekifo ekyabadde ekya Shafiq Bisaso ku Proline kitwaliddwa Matia Lule.