TOP
  • Home
  • Ageggwanga
  • Omulamuzi Bamwine atabaganyizza Sudhir ne Bank of Uganda

Omulamuzi Bamwine atabaganyizza Sudhir ne Bank of Uganda

By Musasi wa Bukedde

Added 14th November 2017

AKULIRA abalamuzi ba kkooti Enkulu, Dr. Yorokamu Bamwine atuuzizza omugagga Sudhir Ruparelia n’abakungu ba bbanka Enkulu okusobola okumalawo obutakkaanya wakati waabwe.

Br703422 703x422

Sudhir

BYA ALICE NAMUTEBI

Ensisinkano eno yabadde mu ofiisi y'omulamuzi Bamwine ku kkooti Enkulu e Kampala eggulo ku Mmande era tebakkirizza muntu yenna kugyetabamu yadde abaamawulire.

Sudhir yabadde awerekeddwako mutabani we Rajiv Ruparelia ne looya we Peter Kabatsi ate bbanka Enkulu ng'ekiikiriddwa Justin Bagyenda, akulira eby’okulondoola bbanka mu Uganda.

Omulamuzi akulira kkooti y’ebyobusuubuzi gye bawaabira Sudhir yali alonze looya omukyala  Harriet Magala  okutabaganya Sudir ne bbanka Enkulu kyokka oluvannyuma enjuyi zombi zaasaba omutabaganya akyusibwe obuvunaanyizibwa  ne buweebwa omulamuzi Bamwine.

Sudir ne looya we bwe baavudde mu ofiisi y’omulamuzi bagaanye okubaako kye boogera ku byatuukiddwaako wabula n'ategeeza nti alina essuubi mu mulamuzi Bamwine kubanga alina obumanyirivu mu by'akola  ate nga musajja mukulu.

Omwogezi w’essiga eddamuzi, Vincent Emmy Mugabo yakakasizza nti kaweefube w’okutabaganya Sudhir ne bbanka Enkulu akyagenda mu maaso.

Okusinziira ku mateeka agafuga kkooti, emisango gyonna egy'engassi ng'omulamuzi tannatandika kugiwulira, gisooka wa mutabaganya. 

Kino kiyambye emisango obutakandaalira mu kkooti era mu gimu abantu bakkaanya ne bakola n’endagaano eteekebwako omukono gw’omulamuzi omusango ne guggwa nga temuyise mu nkola ya kwewuuba mu kkooti kutuula kwerumiriza na kwewozaako.

Mu musango guno, bbank Enkulu yawawaabira Sudhir okuviirako Crane Bank okugwa nga bagamba nti Sudhir yaggya ssente ezisoba mu buwumbi 400 mun bbanka ye n'azikozesa bizinensi ze ekyagiirako okugwa.

Sudhir avunaanibwa n’okutondawo akawunti ez’obulimba mu bbanka ye n'ekigendererwa ky’okukwekwa entambuza ya ssente enkyamu n’okuwuddiisa bbanka Enkulu w'eyimiridde mu by'ensimbi.

Bbanka Enkulu era egamba nti Sudhir yawangayo embalirira enkyamu ng'agezaako okubikka ebituli ebyali mu bbanka ye era mu nkola eno, Sudhir yayitanga mu kkampuni ye eya Meera Investments okukaliza Crane bank  ekyagiviirako okugwa n'etundibwa.

More From The Author

Emboozi z’omuwandiisi endala

Emboozi endala

Pp 220x290

Abayimbi Bannayuganda battunse...

Abajamaica;Christopher Martin ne D-Major bakubye Bannayuganda emiziki egibaccamudde

Hse1 220x290

By’olina okumanya ng’ogula ennyumba...

Kya makulu omuntu akuguza ennyumba okukuwa ppulaani yaayo n’ogiwa omukugu nagyetegereza okukakasa nti ebiriko byagobererwa...

Ssenyonjo 220x290

Poliisi ezudde ebipya ku yatema...

POLIISI ezudde ebipya ku musajja Hamidu Ssennyonjo amanyiddwa nga Munomuno omu ku bagambibwa okuyingirira omugagga...

Mayiga 220x290

Katikkiro alaze engeri ebbula ly’amazzi...

KATIKKIRO wa Buganda, Charles Peter Mayiga ayongedde okukkaatiriza obukulu bw’amazzi mu bulamu bw’abantu n’agamba...

Bazigu1 220x290

Abazigu balumbye amaka e Munyonyo...

ABAZIGU balumbye amaka e Munyonyo ne batemaatema omukozi w’awaka Isa Birimusho n’okumusiba akandooya ne bamuleka...