TOP
  • Home
  • Amawulire
  • Omusujja ogw'obulabe guzinze Kiboga ne Mityana: Gwakatta babiri

Omusujja ogw'obulabe guzinze Kiboga ne Mityana: Gwakatta babiri

By Muwanga Kakooza

Added 29th November 2017

MINISITULE y’ebyobulamu etegeezezza nti waliwo omusujja ogw’obulabe ogukwata ebisolo n’abantu ogubaluseewo e Mityana n’e Kiboga nga gwakatta abantu babiri.

Janeruthaceng703422 703x422

Minisiter w'ebyobulamu, Jane Ruth Aceng

Omusujja guno guyitibwa   ‘’Rift Valley fever’’era obubonero bwago kuliko okuziba amaaso, okulumwa omutwe, okwerabira, okusesema, okufuluma obubi obulimu omusaayi n’okuva omusaayi mu kamwa,okusinziira ku kiwandiiko ekyafulumiziddwa akulira eby’obujjanjabi mu ggwanga Dr. Charles Olaro.

E Kiboga  eyafudde abadde abeera ku kyalo Gogonya mu muluka gw’e Kibiga e Kiboga era omusujja gwamukwata November 14, 2017 n’atwalibwa mu ddwaliro oluvannyuma n'afa ng’okwekebejjebwa okwamukoleddwaako abasawo bazuudde nti gwe gumusse.

E Mityana omusajja ow’emyaka 69 nga mulunzi yakwatiddwa omusujja n'atwalibwa mu ddwaaliro n'afiirayo. Ono abadde mutuuze ku kyalo Gombe – Mwalo mu muluka gw’e Nama mu ggombolola y’e Busimbi ku lubalama lw’ennyanja Wamala. Yatwaliddwa mu ddwaliwo e Nama n’afiirayo nga November 20.

Omusujja gusasaanyizibwa singa omuntu akwata mu musaayi gw’ebisolo ebirwadde ng’abisala oba okubizaazisa. Era abalunzi, abasawo b’ebisolo  n’abakola mu bucca balina okuba abegendereza.

Gavumenti etegeezezza nti esindise abakugu okusomesa abantu n’okulaba ng’obulwadde buno tebusasaana.

Abasala ebisolo eby’okulya basabiddwa okusooka okwebuuza ku bakugu , n'abantu bakubiriziddwa okwewala okulya ennyama y’ebisolo ebifudde endwadde ze batamanyi.

Abalina obulwadde buno temubakwasaako ngalo zitali mu giraavu. Era abantu basanidde okweyigiriza okunaaba ennyo mu ngalo ne ssabbuuni.    

More From The Author

Emboozi z’omuwandiisi endala

Emboozi endala

Kab2 220x290

Leero mu mumboozi y'omukenkufu...

Leero mu mumboozi y'omukenkufu tukulaze engeri gy'oyinza okukozesaamu butto w'empirinvuma okulwanyisa obulumi ng'oli...

Kuba1 220x290

Abalamuzi mu nsi za Afrika 5 basisinkanye...

HENRY Peter Adonyo akulira ettendekero ly’abalamuzi akubirizza abalamuzi ba Kkooti Enkulu okwenyigiranga mu misomo...

Haki 220x290

Kamoga atongozza hakki eyookuna...

HAJJI Muhammadi Kamoga naye nno tasaaga. Ayingizzaawo hakki eyookuna Zanei Birungi.

Tuula 220x290

Spider Roxy atandise okukokoolima?...

ABANTU abaalabye omuyimbi Spider Roxy n’ekyana nga beekuba obuwuna n’obwama baasigadde beebuuza oba naye yatandise...

Tuma 220x290

Omuwala yankyawa lwa bwavu

NZE Wilson Musoga, nzaalibwa mu disitulikiti y’e Mayuge. Mu 2018, nnasalawo okufuna omwagalwa era amaaso gansuula...