TOP
  • Home
  • Ageggwanga
  • Abantu abalala 5 bavunaaniddwa okuwandiisa essimu mu bukyamu

Abantu abalala 5 bavunaaniddwa okuwandiisa essimu mu bukyamu

By Joseph Makumbi

Added 14th May 2018

ABANTU abalala bataano abagambibwa okuwandiisa layini z’essimu mu bukyamu ne zeeyambisibwa mu buzzi bw’emisango basimbiddwa mu maaso g’omulamuzi wa kkooti ya Mwanga II.

Better 703x422

Owa poliisi ng'aggya Edrine Tamale ku mpingu mu kkooti ya Mwanga II.

Ku bano kuliko abasuubuzi b’oku William Street mu Kampala n’abakozi ba kkampuni ya Airtel.

Poliisi yategeeza gye buvuddeko nti bano okufaananako abataano abaasoose okuvunaanibwa mu kkooti e Makindye, nabo baaguza abatta Susan Magara layini z’essimu ze baakozesa okusaba kitaawe John Fitzgerald Magara ssente nga bwe bazikyusakyusa.

Kyokka ekyewuunyisizza abaabadde mu kkooti, tewali linnya lya Magara we lyakooneddwaako mu misango egyabavunaaniddwa.

Bamaze emyezi egisoba mu ebiri mu kaduukulu. Abaavunaaniddwa ku Lwokutaano mu maaso g’omulamuzi Julius Mwesigye eyatuuliddewo Esther Nyadoi ow’eddaala erisooka ku kkooti ya Mwanga II kwabaddeko; Mary Namugerwa, Sandra Namakula, Edrine Tamale, Mike Lubyayi ne Shamira Babirye.

Namugerwa baamuvunaanye omusango gw’okuwandiisa layini z’essimu bbiri okuli 0759590674 ne 0759590647 mu mannya ga Kenneth Kimbugwe ng’akozesa densite ya Kimbugwe ku paaka enkadde nga tamuwadde lukusa mu February wa 2018.

Namakula baamuvunaanye emisango ebiri okuwandiisa layini 0751115388 mu mannya ga John Paul Kawooya, Edrine Tamale yavunaaniddwa okuwandiisa layini 0753447942 mu mannya ga Emmanuel Lugoloobi.

Bano abasatu bakomawo mu kkooti nga May 28, 2018. Abalala okuli Lubyayi ne Babirye abasuubuzi badda mu kkooti nga May 25, 2018.

More From The Author

Emboozi z’omuwandiisi endala

Emboozi endala

Han1 220x290

Minisita w'ebyemizannyo omuggya...

Minisita w'ebyemizannyo omuggya Hanson Denis Obua asiimye omulimu ogukoleddwa Omugagga Ham ogw'okuzimba ekisaawe...

Bbomu3 220x290

Omuyeekera aweddeyo eby'okulwanyisa...

AGAMBIBWA okubeera omuyekera w’akabinja ka M23 eyayingira mu ggwanga nga yefudde abundabunda ne yewaayo mu mikono...

Poliisi yeezoobye n'aba Bodaboda...

POLIISI ekubye omukka ogubalagala mu bavuzi ba bodaboda mu Kampala okubagumbulula bwe babadde bagezaako okulaga...

Yasanze malaalo ng’atutte ebya...

EYASIBA sumbuusa nga tayogera na mwagalwa we baakamutemye atutte kimuli kya Valentine nti oli yafa dda!

Chrisevans 220x290

Chris Evans agaanyi okuddamu okuyimba...

NGA Chris Evans tannasimbula kugenda Masaka mu kivvulu kya Rema Namakula ekyabadde ku Maria Flo, maneja wa Rema,...