TOP
  • Home
  • Agebwelu
  • Amerika egenda kwongeza obuyambi bw'ewa Uganda okugula eddagala lya Siriimu

Amerika egenda kwongeza obuyambi bw'ewa Uganda okugula eddagala lya Siriimu

By Muwanga Kakooza

Added 16th May 2018

AMERIKA etegeezezza nti egenda kwongeza obuyambi bw’ensimbi z’ewa Uganda okugula eddagala eriweweeza Siriimu butuuke ku buwumbi buwumbi 3,600 kuba basanyufu n’engeri (Uganda) gy’ekozesezza ensimbi ezigiweebwa.

Usambassadortougandadeborahmalacmakesatoastswithpresidentmuseveniatstatehouserecently 703x422

Deborah Ruth Malac , ambaasada wa Amerika mu Uganda ng'ali ne Pulezidenti Museveni

Amerika kati ewa ewa Uganda obuwumbi 66 buli mwaka okugula n’okubunyisa eddagala eriweweeza Siriimu Kyokka ng’etegeka okuzongeza mu myaka esatu.

Amerika ekolagana  butereevu ne minisitule y’ebyobulamu ng’eyita mu kitongole ekivunaanyizibwa ku kugula n’okubunyisa eddagala mu ggwanga ekya ‘’National Medical Stores’.

Akulira ekitongole kya Amerika ekikola ku nkulaakulana, USAID,  Mark Meassick bino yabitegeezezza ng’asisinkanye sipiika Rebecca Kadaga okumunnyonnyola ku ntegeka z’ekitongole kino.

Yagambye nti Amerika ng’eyita mu kitongole egenda kuyamba Bannayuganda okutumbula eby’obulamu, eby’okusoma, ebyamasannyalaze n’okutereeza obulamu bwa Bannabyalo.

Buli mwaka Amerika ewa Uganda obuyambi bwa bukadde bwa ddoola 400 ( eza Uganda ezisoba mu buwumbi 1,200).

Obuyambi obusinga bubadde buyita mu bitongole bya bwannakyewa kyokka Amerika etandise n’okubuwa gavumenti butereevu.

Yagambye nti mwennyamivu kuba Amerika tesobodde kuyamba nnyo kutumbula byabulimi kuba Minisitule y'ebyobulimi erimu pulogulaamu nnyingi ezitakwagana. Kuno kuliko; NAADS, Operation Wealth Creation, okuyamba abavubuka n’endala.

Kyokka n'asuubiza okwongera okuyamba okutumbula eby’okusoma kw’abaana abawala mu Ssiniya.

Kadaga yasabye Amerika okwongera okuyamba Uganda naddala mu kutumbula eby’okusima obugagga bw’omu ttaka.

 

 

More From The Author

Emboozi z’omuwandiisi endala

Emboozi endala

Bobiwineatmagere 220x290

Bobi Wine ayogedde ku ngeri gye...

" Akawungeezi ka Mmande nnabadde mu kisenge kya wooteeri mwensula ne mpulira abantu nga bagamba ggulawo kyokka...

Long1 220x290

BUKEDDE W’OLWOMUKAAGA YAFULUMYE...

Bobi Wine, mukazi we amutunuddeko e Makindye gy’akuumirwa n’azirika olw’embeera gy’alimu. Omubaka Zaake bamuleese...

Candia 220x290

Nnannyini wooteeri ya Pacific e...

NANNYINI wooteeri ya Pacific Hotel mu kibuga Arua asambazze ebyayogeddwa poliisi nti emmundu ez’ekika kya SMG ebbiri...

Genda1 220x290

Baka balamu bange bannemesezza...

NZE Shifrah Nalwadda 25. Mu 2016 omusajja ayitibwa Akim yankwana era nange ne musiima ne mmukkiriza n’antwala ewuwe...

K3 220x290

Ab'e Kamwokya bazzeemu okwekalakaasa:...

Ab'e Kamwokya bazzeemu okwekalakaasa: Baagala Bobi Wine ayimbulwe