TOP
  • Home
  • Ageggwanga
  • Omupakisitaani Amerika gwe yafuumudde n'emusuula mu Uganda alaajanidde Museveni

Omupakisitaani Amerika gwe yafuumudde n'emusuula mu Uganda alaajanidde Museveni

By Musasi wa Bukedde

Added 16th May 2018

OMUSAJJA Omupakisitaani America gwe yafuumudde n’emuttika ku nnnyonyi n’emusuula mu Uganda olw’okuba yazaalirwa mu ddwaliro ly’e Mengo alaajanidde Pulezidenti Museveni amukkirize okufuuka omutuuze wa wano n’okukolerawo emirimu ng’agamba nti ye dokita mutendeke asobola n’okujjanjaba okusinga Abacuba Gavumenti b’eyagala okuleeta.

Ahmad 703x422

Shafik Ahmad, yafuumuddwa gavumenti ya America  n’emutikka ku nnyonyi n’emusuula mu Uganda  oluvannyuma lw’ebiwandiiko bye ebimubeeza mu Amerika okuggwaako ng’akawandiiko kokka akalaga ensibuko ye ke k'ebbaluwa y'obuzaaale eraga nti yazaalibwa mu Uganda wadde nga bazadde be Bapakisitaani.

Kyokka wadde yazaalibwa mu Uganda, omusajja ono ow’emyaka 57 ensi eno yagimalamu emyezi mukaaga gyokka  bazadde be okwali  kitaawe eyali omusomesa mu ssomero lya Agakhan mu Kampala ne basenguka ne bagenda naye e Nigeria gye yasomera n’afuna diguli  mu busawo era nayo ne basengukayo ne bagenda mu Amerika gy’abadde abeera okuva mu myaka gy’ekinaana okutuuka lwe bamugobyeyo.

Mu Amerika yagendayo ng’akozesa paasipooti ya Parkistan kati eyaweddeko n’atasigaza kawandiiko konna kamusobozesa kubeerayo kuba ne kaadi y’obutuuze bwayo (Green card) eyamuweebwa yaggwaako.

Omusajja ono enzaalwa ya Uganda atalina  ndagamuntu  ya wano yawandiise ebbaluwa eri Pulezidenti Museveni ng’ayita ku kasimu ke ng’asinziira mu kaduukulu mwe yabadde n’agamba nti ayagala Pulezidenti amukkirize okubeera wano akole emirimu gye kuba musawo asobola okujjanjaba abantu n’okusinga Abacuba.

" Nafuumuddwa ne nsuulibwa wano olw’ebbaluwa y’obuzaale eraga nti banzaalira Mengo. Ekitebe kya Uganda mu America kye kyampadde ebiwandiiko ebyantuusizza wano  kyokka ngezaako okusaba obutuuze bwa wano naye nnemeseddwa olw’okuba ekitebe kya Amerika mu Uganda kigamba nti Uganda  nayo engobe ntwalibwe e Pakistan eri bazadde bange,’’ Ahmad bwe yategeezezza.

Yagambye nti Abasiraamu Abayindi n’Abapakisitaani ababeera mu Uganda  beetegefu okumulabirira singa ateebwa.

Agamba nti mu Amerika yafunayo omukazi Kris mu 1996 ne bazaala omwana Zaid mu 1999.

Wabula baayawukana mu kkooti mu mwaka gwa 2005 n’afuna omukazi omulala Tiffany Macey naye gwe baayawukana naye ng’amuloopye mu b’obuyinza nti yagezaako okutemula mukazi we eyasooka Kris ekitali kituufu.

Oluvannyuma omusajja agamba nti  yakizuula nti omukazi ow’okubiri gwe yafuna baali ba mukwano n’eyasooka era n'olukwe baapanga lupange okumusuula.

Bwe yatwalibwa mu kkomera  mu 2009, yasibwa emyaka musanvu era olwaweddeko n’atikkibwa ku nnyonyi n’asuulibwa mu Uganda.

Agamba nti agezezzaako okufuuka omunoonyi w’obubudamu oba okusaba wano obutuuze kyokka bikyagaanyi.

Omwogezi wa Minisitule y’ensonga z’omunda, Jacob Shems Siminyu yategeezezza bannamawulire nti  balina obukakafu nti Ahmad ssi Munnayuganda era boogeraganya ne gavumenti ya Amerika balabe eky’okumukolera okuli n’eky’omuzaayo gye yavudde.

More From The Author

Emboozi z’omuwandiisi endala

Emboozi endala

Lip1 220x290

Abadde ayagala okuziika ssanduuku...

Abadde ayagala okuziika ssanduuku y'omufu enkalu asimattuse okugajambulwa abakungubazi

Kat3 220x290

Katikkiro Mayiga akunze abantu...

Katikkiro Mayiga akunze abantu okujjumbira omulimu gw'okuzimba eddwaliro ly'e Nkozi

Rep1 220x290

Ebya Federo ne regional tier bikomyewo...

Ebya Federo ne regional tier bikomyewo mu palamenti

Kat1 220x290

Gavumenti egenda kusengula abantu...

Gavumenti egenda kusengula abantu 6000 okuva e Bududa

Pob1 220x290

Gav't ekakasizza emisolo ku takisi...

Gav't ekakasizza emisolo ku takisi ne bbaasi