TOP
  • Home
  • Ageggwanga
  • Okukuza olunaku lw'Abajulizi: Museveni asabye Abasiraamu nabo okujjukira Abajulizi abaafiirira eddiini yaabwe

Okukuza olunaku lw'Abajulizi: Museveni asabye Abasiraamu nabo okujjukira Abajulizi abaafiirira eddiini yaabwe

By Musasi wa Bukedde

Added 3rd June 2018

Okukuza olunaku lw'Abajulizi: Museveni asabye Abasiraamu nabo okujjukira Abajulizi abaafiirira eddiini yaabwe

Whatsappimage20180603at115224am 703x422

Okukuza olunaku lw'Abajulizi : Laba ekiri e Namugongo n'e Nakiyanja.

Pulezidenti Yoweri Kaguta Museveni ne mukazi we era Minisita w'Ebyenjigiriza n'Emizannyo, Janet Museveni beetambye mu kusaba kw'okujjukira Abajulizi Abakristaato abaafiiririra eddiini yaabwe mu kiggwa e Nakiyanja.

Abanene abalala abeetabye mu kusaba ku kiggwa e Nakiyanja kubaddeko Katikkiro wa Uganda, Dr. Ruhakana Rugunda, eyali Katikkiro wa Uganda, Amama Mbabazi n'abakulu abalala.

Museveni mu kwogera kwe asoose kukubagiza Abakristaayo olwokufiirwa eyali Ssaabalabirizi w'Ekkanisa ya Uganda, Mpalanyi Nkoyoyo n'amwebaza olw'omulimu amakula gwe yakola okuzimba myuziyamu y'ekiggwa ky'Abajulizi Abakristaayo e Nakiyanja.

Abasabye okwongera okujjumbira olunaku luno bajjuze ekifo kyonna kuba emyaka egyemabega tebabadde bajjumbize okufaananako bannaabwe Abakatoliki.

Yeeyamye okwongera okussa ssente mu kifo ky'Abajulizi Abakristaayo e Nakiyanja okwongera okukikulaakulanye nakyo kyakayakane okufaananako eky'Abakatoliki e Namugongo.

Museveni olumaze okwogera n'ayolekera ekiggwa ky'Abajulizi Abakatoliki e Namugongo.

Eno asoose kwetonda olw'okutuuka ekikeerezi n'abategeeza nti bulijjo asookera Namugongo naye leero mu nkola y'obwenkanya yasazeewo kusookera Nakiyanja.

Asomesezza n'agamba nti ababuulizi n'abasumba abawoza ensi tugiyitamu buyisi bakyamu! Ensi tulina okugibeeramu nga bwe tukola n'okubeera mu bulamu obulungi kuba tuwangaalirako ddala, tetuli bubeezi bagenyi.

Ajulizza kitaawe omugenzi Amos Kaguta eyawangaala emyaka 96 n'agamba nti singa yali mugenyi teyaaliwangadde myaka egyo gyonna - ekitegeeza nti tulina okukola nga tukyali mu bulamu bw'ensi eno wadde nga kituufu teri agenda kuwangaalirako lubeerera.

Asabye Abasiraamu nabo okujjukira Abajulizi abaafiirira eddiini yaabwe.

Pulezidenti yeebazizza abakuumaddembe olw'okukumanga abantu entakera buli lwa 3/June/ ne batafuna buzibu bwonna.

 

 

More From The Author

Emboozi z’omuwandiisi endala

Emboozi endala

Thumbnailkabongengomupiiraagulabiraeberuwekisaawe 220x290

Omutendesi Kabonge awanduse mu...

OMUTENDESI wa Katwe United FC mu Big League Allan Kabonge yeekandazze n’ava ku kisaawe ng’ayomba oluvannyuma lwa...

Thumbnailabazannyibacityoilersngabafaessanyulyekikopoekyomusanvu2 220x290

Aba City Oilers 2 batambulira...

ABAZANNYI ba City Oilers babiri mu liigi ya basketball eya babinywera,sizoni bagimazeeko nga batambulira ku miggo...

Genda 220x290

Abadiventi beebugira lukung'aana...

Ensi 13 ze zisuubirwa okwetaba mu lukungaana lw'aba Advent olutuumiddwa Kampala 2020 Mission Extravaganza Festival...

Sit16 220x290

Eyali yagongobala ateredde n'asuubiza...

Eyali yagongobala ateredde n'asuubiza okuddayo okusoma

Siminyu703422 220x290

Ab'ekitongole ekigaba paasipooti...

KAMISONA Brig. Johnson Amanya avunaanyizibwa ku Paasipooti n’okulondoola abasaba obutuuze, yategeezezza Bukedde...