TOP
  • Home
  • Amawulire
  • Ab'omu Katanga bawambye ofiisi ya LC lwa ssentebe waabwe kulwawo kuweebwa buyinza

Ab'omu Katanga bawambye ofiisi ya LC lwa ssentebe waabwe kulwawo kuweebwa buyinza

By GODFREY LUKANGA

Added 8th August 2018

ABATUUZE b’omu Kimwanyi zooni mu Katanga e Wandegeya ab’ekiwayi ky’omuvubuka eyawangula obwassentebe, Thomas Bagonza bakedde kuwamba ofiisi ya L.C.1 nga bagamba nti omuntu waabwe bamukandaalizza nnyo okugiyingira.

Abaserikalengabasazeekoofiisiyakimwanyilc 703x422

Abaserikale nga bakuuma Poliisi ya Kimwanyi zooni mu Katanga oluvannyuma lw'okugigobamu abatuuze abaabadde bagiwambye nga bagamba baagala ssentebe waabwe omuggya agikwasibwe mu butongole. EKIF: GODFREY LUKANGA

Abamu ku batuuze bategeezezza nti waliwo eyayisizzaamu ekizindaalo ekiro ng’abakunga okugenda okuwamba ofiisi era ku Lwokusatu ku makya bonna baakedde kugumba mu ofiisi n’ebweru waayo okutuusa poliisi lwe yazze n’ebagumbulula.

Akutwala poliisi ya Kimwanyi Cadet ASP. Jamir Ssendiwalana yazze ne kabangali ezijjudde abaserikale bbiri ne bafulumya ababadde bawambye ofiisi n’agiggalawo n’abalagira buli okudda ku mirimu n’abawa amagezo basooke balinde omuntu waabwe amale kulayizibwa mu butongole.

Hassan Sempala Wasswa eyali ssentebe gwe baawangula yagambye nti yaloopye omusango ku kooti e Nabweru ng’awakanya ebyava mu kulonda kubanga abaalondesa baakola ensobi ne bakyusa we balondera bulijjo ne balondesezza mu yunivasite e Makerere nga tebabategeezezza mu buwandiike.

“Ekirungi kooti yatuwadde ekiragiro ekiyimiriza Bagonza okulayira n’obutakola mirimu nga ssentebe wa L.C.1. Njagala nfune obwenkanya kubanga akakiiko k’eby’okulonda bwe kabeera kakyusizza ekifo kalangira ebbanga abantu ne bamanya” Sempala bwe yategeezezza.

More From The Author

Emboozi z’omuwandiisi endala

Emboozi endala

Lab2 220x290

Engeri gy’olina okwewala okuferebwa...

Engeri gy’olina okwewala okuferebwa ku ttaka n’okufi irwa ebyobugagga byo

Hab1 220x290

Taata n’omwana bafudde lumu;Omu...

Taata n’omwana bafudde lumu;Omu bamuziise mu ntaana ya People power omulala mu ya NRM

Kab1 220x290

Dokita eyabuze akwasizza omusawo...

Dokita eyabuze akwasizza omusawo

Broronnie1 220x290

Bro. `Ronnie Mabakai alagudde bannabyabufuzi:...

OMUSUMBA Ronnie Mabakai owa ETM Church esangibwa ku Salama Road e Makindye ne Holy City e Bwerenga azzeemu okulagula...

Komerera4webuse 220x290

Abaana bazannye okufa kwa Yesu...

Abaana bazannya olugendo lw'okufa kwa Yesu ne beewuunyisa abantu e Masajja