TOP
  • Home
  • Ageggwanga
  • Abavubuka balaajanidde Palamenti ku nsimbi ezisabwa abaagala okwesimbawo

Abavubuka balaajanidde Palamenti ku nsimbi ezisabwa abaagala okwesimbawo

By Muwanga Kakooza

Added 12th August 2018

ABAVUBUKA basabye palamenti okukendeeza ensimbi ezisabwa abaagala okwesimba ku bubaka bwa Palamenti nga bagamba nti obukadde obusatu obusabwa nnyingi nnyo era abavubuka bangi abalina obusobozi basigala bbali olw’okulemwa okuzisasula.

Speakerrebeccakadagachairsaparliamentsessionrecently1 703x422

Sipiika Kadaga

Ensimbi zaayongezebwa Palamenti ey’omunaana ne zituuka ku bukadde  busatu kyokka abavubuka bagamba nti baaziwanika ekisusse nga kino kiremesa bannaabwe bangi abandyesimbyewo okuvuganya ku bubaka ng’ate balina obusobozi.

Okusaba baakukoledde  ku mukolo gw’okukuza olunaku lw’abavubuka olwa Palamenti olumanyiddwa nga ‘National Parliament Youth Advocacy day’  era omubaka Silvia Akello (owa disitulikiti y’e Atuke ye yasomye okwemulugunya kw’abavubuka.

Abavubuka era beemulugunyizza  nti ebbago ly’etteeka erigatta ekkambwe ku batulugunya bannaabwe mu by’omukwano erimanyiddwa nga ‘Sexual Offences Bill’’ Palamenti erudde okulikolako  ng’ate lyetaagisa mu bwangu.

Ebbago lyayanjulwa eyali akulira ababaka ba Palamenti abakazi abeegatira mu kibiina kya UWOPA, Muky. Monica Amoding mu 2016.

Limanyiddwa nga ‘Sexual offences Bill’’ era   ligenderera okugatta awamu amateeka gonna agakwata ku by’okutyoboola abantu mu by’omukwano n’engeri y’okubakangavvula era nga lirambika bulungi ebibonerezo eri abazizza emisango.

Sipiika yagumizza nti etteeka lino kituufu liruddewo kyokka ligenda kukolwako mu bwangu.

N'agamba nti amateeka gonna agaludde gagenda kukolwako nga October tannatuuka.

Abavubuka  era beelugunyizza ku musolo gw’okukozesa gwa 'social media' ku ssimu nga bagamba nti kibalemesa okufuna emirimu.

Beemulugunyizza ne ku butabaawo tteeka ku  musaala ogusasulwa abakozi ogulina  okutandikirwako 9Minimum wage) ne bagamba nti kye kimu ku bisindise abavubuka okugenda ebweru okunoonya emirimu.

More From The Author

Emboozi z’omuwandiisi endala

Emboozi endala

Isco 220x290

Isco agenda ku 'kiso'

Abakungu ba Real Madrid baategeezezza nti abasawo beekebezze Isco, ne basanga ng'alina okulongoosebwa mu bwangu...

Mic3webuse1 220x290

Bayiiyizza sigiri eneetaasa obutonde...

Obutonde bw'ensi busaanyiziddwaawo abantu mu kwokya amanda, okutema enku n'ebirala ng'obwetaavu bw'okuyiiya ebintu...

Butwa2 220x290

Babateze obutwa mu busera, omu...

EKIKANGABWA kigudde ku kyalo Katuulo mu ggombolola y'e Kyazanga mu disitulikiti y'e Lwengo omuntu atanamanyika...

Nakiwala 220x290

Nakiwala avuddeyo ku mwana omubaka...

Minisita Nakiwala Kiyingi waakukaka omubaka Onyango okulabirira omwana gwe yasuulawo.

Kambale1 220x290

KCCA etandika ne Soana, Villa ne...

Okusinziira ku nsengeka ya liigi eno eyafulumiziddwa Bernard Bainamani agikulira eggulo, bakyamipiyoni ba sizoni...