TOP

Museveni awadde abawala mu Kampala bbiriyooni 4

By Musasi wa Bukedde

Added 22nd August 2018

PULEZIDENTI Museveni atadde kavvu wa bbiriyooni 4 mu bawala 4,000 abaatikkiddwa mu byemikono omuli okufumba keeki, okusiba enviiri, okuluka n’okutunga, okukola engatto n’ebirala.

Sa1 703x422

Pulezidenti n’abamu ku bawala abaakuguse mu byemikono.

Museveni eyabadde omugenyi omukulu ng’abawala bano baweebwa amabaluwa ku kisaawe e Kololo oluvannyuma lw’emyezi mukaaga nga babangulwa mu nteekateeka Gavumenti gye yateekamu ssente, yasuubizza buli muwala okumuwa akakadde n’ebikozesebwa, ate ekibiina kyabwe eky’obwegassi okukiteekamu 200,000,000/- n’abasomesa baabwe abawe obukadde 60.

Museveni yatandika kaweefube w’okubangula abaana abawala mu nkola ya ‘Presidential Initiative on Skilling the Girl Child’.

Omulimu guno yagukwasa Faridah Mayanja ate Lucy Nakyobe, akulira ebyensimbi mu maka g’obwapulezidenti ye kalabaalaba wa pulojekiti eno. Ku Lwokutaano, abawala abasoose okubangulwa mu nkola eno, lwe baakwasiddwa amabaluwa gaabwe.

Babadde basomera mu bifo eby’enjawulo mu Kampala okuli Subway, Wandegeya, Kigoowa, Mutundwe, Luzira ne Nakulabye.

 useveni ngakwasa ebbaasa omu ku baamalirizza emisomo Museveni ng’akwasa ebbaasa omu ku baamalirizza emisomo.

Museveni yatuuse e Kololo ku ssaawa nga 10:30 ez’akawungeezi.

Yasanze abawala essanyu libabugaanye era olwategedde nti atuuse, ne batandika okukuba enduulu ey’oluleekereeke. Abaatikkiddwa baakedde ku kisaawe e Kololo.

Zaagenze okuwera essaawa 2:00 ez’enkya nga batandise okukwata ebifo ne bazadde baabwe.

Museveni yabagambye nti, okutandikawo enkola y’okubangula abaana abawala yali agendereramu okulaga Bannayuganda nti abawala mu bibuga basobola okukyusibwa ne batandikawo bizinensi.

 bavubuka beeyiye mu bungi e ololo ku mukolo ulezidenti useveni kwe yeetabye ku wokutaano Abavubuka beeyiye mu bungi e Kololo ku mukolo Pulezidenti Museveni kwe yeetabye ku Lwokutaano.

 

Yagasseeko nti, amaze ebbanga ng’ategeeza Bannayuganda ebintu nga bino nga tebawulira.

Yategeezezza nti yagamba ab’omu byalo nti beetaaga yiika z’ettaka nnya zokka okweggya mu bwavu nga basimbako emmere, ebibala n’okulundirako ebyennyanja.

Yagasseeko nti, yasalawo okutandikawo faamu ez’okugeserezaako n’azituuma ‘Baalibaseka’ kw’akolera ebintu bye naye ayagala kati abaamusekerera ng’azitandika

More From The Author

Emboozi z’omuwandiisi endala

Emboozi endala

Thursday991633393 220x290

Abalenzi baleebezza abawala mu...

EKITONGOLE ekivunaanyizibwa ku bigezo mu ggwanga ekya UNEB kifulumizza ebyavudde mu bibuuzo bya PLE ebiraze nti...

105190074ibraronepa 220x290

Zlatan acoomedde Ronaldo: 'Tolina...

ABAALIKO ba Sitta ba Man U batabuse omu n’acoomera munne okweyita kafulu nga talina ttiimu nafu mwe yali azannyidde....

Babuweb 220x290

Abeebikonde beebugira mpaka za...

Ttiimu z'ebikonde ez'enjawulo ziri mu keetalo nga zeetegekera okwetaba mu mpaka za National Boxing Open Championship...

Mugoodaweb 220x290

Bamusaayimuto banattunka mu mizannyo...

Bamusaayimuto e Jinja oluwummula baakulumalako nga basanyufu nga battunka mu mpaka za 'Go Back to School Gala'...

Bampa 220x290

Ekyakonzibya ebikonde bya Uganda...

KIZIBU munnabyamizannyo yenna okukkiriza kati nti omuzannyo gw’ebikonde gwatuusaako Uganda mu kifo ekyokusatu mu...