TOP
  • Home
  • Amawulire
  • Abasomesa n'abazadde temusomesa baana mu luwummula - Minisita Muyingo

Abasomesa n'abazadde temusomesa baana mu luwummula - Minisita Muyingo

By Musasi wa Bukedde

Added 4th September 2018

MINISITA omubeezi avunaanyizibwa ku matendekero aga waggulu Dr. JC Muyingo alabudde abasomesa n'abazadde abataagala baana kuwummulako mu luwummula ne basigala nga babapiika ebisomesebwa nti kijja kubaviirako okugwa eddalu basibire e Butabika.

Muyingojc 703x422

Minisita Muyingo

BYA SAMUEL KANYIKE

Yagambye nti newankubadde okusoma kulungi naye omwana bw'asoma n'atawummulamu bye bivuddeko bannayuganda bangi okugwa eddalu.

Yagambye nti ne gavumenti yassaawo enteekateeka abaana mwe balina okusomera n'okuwummulamu ne babeera ne bakadde baabwe nabo ne babakwatamu. 

Yasabye abazadde obudde bw'oluwummula babukozese okusomesa abaana baabwe ebintu bye balina okumanya okufuuka abantu abalungi omuli okubayigiriza okukola emirimu gy'awaka, egivaamu ensimbi, empisa n'ebirala. 

Yasinzidde ku kyalo Kibanyi mu ggombolola y'e Bamunmaanika mu Luweero gye yasisinkanidde abazadde b'abaana b'aweerera n'okugabira ebibiina by'abakyala ensigo za kasooli. 

Kyaddiridde akulira eby'enjigiriza ku lukiiko lwa disitulikiti e Luweero Boniface Sentongo okumutegeeza ng'abaana bwe batakozesa luwuumula kukolera ku bazadde baabwe ne beemalira ku masomero.

Yagasseeko nti abazadde nabo basusse okutiitibya abaana b'aweerera ng'abamu  be babafuga ne babawa n'amateeka, tebatakola kantu konna nga basiiba mu firimu na kulaba ttivi olw'okuba baafuna omukisa ne bava ku kyalo basomera mu masomero ag'ebbeeyi e Kampala n'awalala omuli Seeta, Makerere n'amalala. 

Sentongo era yategeezezza nga Bulungibwansi bwabuze mu bantu nga tebaziba binnya na kulima nsiko emabbali w'amakubo n'abazadde abatawa baana kyamisana ku masomero. 

Dr Muyingo yasabnye abantu obutaggwaamu maanyi olwa kasooli okugwa ebbbeeyi bongere okumusiga kuba agenda kuddamu okulinnya.

More From The Author

Emboozi z’omuwandiisi endala

Emboozi endala

Kalendeweds1 220x290

Obunkenke e Namirembe nga Reverand...

Abooluganda n’emikwano gya bagole ababadde mu lutikko baasirikiridde buli omu nga bwatunuulira munne okutuusa Rev....

Saba 220x290

‘Muggya wange apangisizza abasajja...

AMALOBOOZI g’enkoko ezikookolima ge gaamuyambye okwewalula okuva mu kibira kya Mabira wakati okutuuka ku bantu...

Nakalembe1 220x290

‘Muggya wange apangisizza abasajja...

AMALOBOOZI g’enkoko ezikookolima ge gaamuyambye okwewalula okuva mu kibira kya Mabira wakati okutuuka ku bantu...

Sebulime1 220x290

Famire ya Ssebulime ekukkuluma...

FAMIRE y’omugenzi Ronald Ssebulime eyakubwa poliisi amasasi ng’ateeberezebwa okuba mu lukwe lw’okwagala okutta...

War1 220x290

Tekinologiya wa Iran asannyalazza...

TRUMP yabadde takisuubira nti Iran erina tekinologiya asobola okusannyalaza ennyonyi za America! Kyamukubye wala...