TOP
  • Home
  • Ageggwanga
  • Gav't etadde obukwakkulizo obupya ku baagala okugenda ebweru okujjanjabwa

Gav't etadde obukwakkulizo obupya ku baagala okugenda ebweru okujjanjabwa

By Muwanga Kakooza

Added 5th September 2018

GAVUMENTI essizza obukwakkulizo obulina okutuukirizibwa Bannayuganda abalwadde abaagala okugenda ebweru okujjanjabwa ka babe nga ssente ze bagenda okukozesa zaabwe nga ssi za gavumenti.

Uni 703x422

Minisita w'ebyobulamu, Ruth Aceng ng'aliko by'annyonnyola ku Media Centre mu Kampala

Minisita w’ebyobulamu, Dr. Jane Ruth Aceng yagambye nti abaagala okugenda ebweru okujjanjabwa ne bwe baba bagenda kwesasulira nga gavumenti ssi y’ebataddamu ssente kya tteeka nti  balina kusooka kukeberwa ku mukugu wa njawulo era ensonga zaabwe ne zikakasibwa akakiiko ka gavumenti akeekenneenya abaagala okugenda ebweru okujjanjabwa aka  ‘Uganda Medical Board.’

‘’Omulwadde alina kusooka kukeberwa omukugu ow’enjawulo  owa gavumenti ng’akolera mu ddwaliro ddene (referral hospital) okusingira ddala erya gavumenti. Bwe kiba tekisobose omukugu ali ku ddaala lya kakensa (consultant) mu ddwaliro ly’obwannannyini nga liri ku mutendera gw’eddwaliro eddene,’’ Aceng bwe yagambye.

Bino yabigambye bannamawulire ku Media Centre ng’ayogera ku kusika omuguwa okubaddewo ku by’okutwala omubaka w’e Mityana Francis Zaake n’owa Kyadondo East, Robert Kyagulanyi okujjanjabwa ebweru wa Uganda.

‘’Tetuyinza kumala galeka buli muntu kumala gagenda kujjanjabwa bweru kuba gy’agenze basobola okwewuunya oba ddala mu Uganda tetulina bakugu bamala.

Era obukwakkulizo bugamba nti omulwadde bw’akomawo alina okulaga ebiwandiiko bya ssente n’obujjanjaba bw’afunye eri akakiiko k’ebyobujjanjabi aka gavumenti aka ‘Uganda medical board’ n’ebitongole gye bakolera.

Aceng yagyongeddeko nti akakiiko kano tekannafuna kusaba kwa babaka; Zaake ne Kyagulanyi ku bwetaavu bwabwe okugenda okujjanjabirwa ebweru w'eggwanga.

Aceng yategegeezezza nti akulira bambega ba poliisi, Grace Akulo ye yalagira Zaake ne Kyagulanyi okutwalibwa e Buyindi ne Amerika bajjanjabwe.

More From The Author

Emboozi z’omuwandiisi endala

Emboozi endala

Afandelameckkigozingannyonyola 220x290

Poliisi yeegaanyi okukwata abakuba...

Poliisi yeegaanyi okukwata abakuba eza Bobi Wine

Yiga 220x290

Ebiwalirizza Paasita Yiga okuddukira...

PAASITA Yiga Mbizzaayo nga tannasitula kugenda South Afrika, yasoose kutunda makaage agali e Mmengo era gwe yagaguzizza...

Waaka 220x290

Embwa 10 ziridde omwana emisana...

EKIKANGABWA kibuutikidde abatuuze b’e Kyengera mu zooni ya Mugongo ‘B’ ekisangibwa mu Wakiso, embwa bwe zikkakkanye...

Nara 220x290

Poliisi etadde ebiragiro ku bifo...

POLIISI eyisizza ebiragiro ku bizimbe n’ebifo awakung’aanira abantu abangi okwetangira abatujju abaakubye Kenya....

Pati 220x290

Abaasimattuse abatujju e Kenya...

EGGULO ku Lwokusatu mu biseera eby’okumakya, pulezidenti wa Kenya yayogedde eri eggwanga n’ayozaayoza ebitongole...