TOP
  • Home
  • Ageggwanga
  • Ssekandi ayambalidde abanenya Gav't ku butayamba bavubuka

Ssekandi ayambalidde abanenya Gav't ku butayamba bavubuka

By Muwanga Kakooza

Added 7th September 2018

OMUMYUKA wa Pulezidenti Edward Kiwanuka Ssekandi alabudde abavubuka okwewala Siriimu n’okukozesa ebitamiiza n’ebiragalalagala ebirala n’agamba nti bye bisinze okwonoona obulamu bwabwe ennaku zino.

Vp1 703x422

Ssekandi ng’asala akaguwa ku mukolo guno.

Ssekandi era yalumbye abanenya gavumenti nti teyambye bavubuka kwekulakulanya n’agamba nti aboogera kino ssi beesimbu oba tebafuddeeyo kumanya kituufu.

Yabadde mu lukung’ana lw’abavubuka ku Kkanisa ya Kampala International Christian Centre e Kyanja mu Kampala. N’agamba nti gavumenti etaddewo pulogulaamu nnyingi ez’okuyamba okulakulanya abavubuka n’okubawa obukugu mu mirimu egitali gimu.

Kwe kuwa eky’okulabirako kya ‘Youth Livelyhood Programme’ gye yagambye nti gavumenti yassaamu obuwumbi 265 nga za kuyamba abavubuka wakati wa 2013 ne 2018.

Yagambye ntu gavumenti ekimanyi nti abavubuka tebalina bukugu bumala kukola bintu bibayimirizaayo era ky’eva efaayo okubayamba.

Yagambye nti abavubuka bayambiddwa okussaawo ebintu ebibayamba okusitula enfuna yabwe  naddala okulaba nga beetandikirawo emirimu.

Yategeezezza nti enkolagana n’abavubuka ne NRM ya byafaayo  era egenderera okulaba ng’abavubuka be bakwata enkasi y’okutwala eggwanga lino maaso.

Yagambye nti ebizibu ebiruma abantu mu maka tebiri mu Uganda wokka . N’gamba nti okusomoozebwa okuli mu nsi kwakulaba ng’abaana n’abavubuka bakuzibwa mu ngeri ey’obuvunaanyizibwa n’agamba nti eddiini y’eyinza okutereeza embeera.

Omusumba w’Ekkanisa eno Boshop Elijah Sebuchu yagambye nti abavubuka 20,000 okuva mu Uganda n’ebweru bagenda kutendekebwa mu bintu ebitali bimu  ng’ebyobusuubuzi,okusoma n’okwewala Siriimu.               

More From The Author

Emboozi z’omuwandiisi endala

Emboozi endala

Banja 220x290

Bebe Cool aleese amaanyi: Atuusizza...

KABAKA Mutebi II ayise Sultan Muhammadu Sa’ad Abubakar III, omukulembeze w’Obwakabaka bwa Sokoto mu Nigeria okubeerawo...

Funayo 220x290

Abantu 15,000 basuliridde kusengulwa...

ABATUUZE basoba mu 15,000, abali ku ttaka eririko enkaayana mu munisipaali y’e Njeru e Buikwe emitima gikyabeewanise...

Talingirizakakozibakolanebesasulawebuse 220x290

Gwe ayagala okulekulila omulimu,...

By'olina okutegeka nga tonnalekulira mulimu oleme okwejjusa ng'otuuse mu nsi

Bugingo 220x290

Bugingo bamuyise ku poliisi ne...

PAASITA Aloysius Bugingo avudde ku poliisi ya CPS mu Kampala nga bimusobedde olw’obukwakkulizo poliisi bwe yamutaddeko...

Linda 220x290

Paasita Serebe aleppuka na bbanja...

OMUSUMBA w’Abalokole Bp. Stuart Serebe owa Christian Heritage Church esangibwa e Mbuya yattulukuse entuuyo nga...