TOP
  • Home
  • Agebwelu
  • Kkooti y'amagye e South Sudan esingisizza abajaasi baayo 10 emisango gy'okukaka abakazi akaboozi

Kkooti y'amagye e South Sudan esingisizza abajaasi baayo 10 emisango gy'okukaka abakazi akaboozi

By Musasi wa Bukedde

Added 7th September 2018

Kkooti y'amagye e South Sudan esingisizza abajaasi baayo 10 emisango gy'okukaka abakazi akaboozi

P06kdmm4 703x422

Abajaasi b'eggye lya South Sudan nga basimbiddwa mu kaguli

KKOOTI y’amagye e South Sudan esingisizza abajaasi kkumi emisango gy’okukaka  abakazi abagwiira bataano akaboozi, n’okutta munnamawulire w’omu ggwanga eryo mu kulwana okwali mu kibuga Juba mu July 2016.

Omulamuzi Knight Baryano Alams yagambye abawawabirwa basingiddwa emisango gy’okukwata abakazi,obutemu, okubba n’okwonoona ebintu.

Omu ku bawawabirwa yatereddwa,kyokka ng’omu ku baduumizi abaliwo nga bino bikolebwa yafiira mu kkomera omwaka oguwedde.

Okulwanagana kwabalukawo e Juba oluvannyuma lwa Pulezidenti wa South Sudan Salva Kiir okufuna enjawukana n’eyali omumyuka we Reik Machar  mu July 2016.

Mu kulwanagana kuno amagye ga gavumenti gaalumba woteeri emanyiddwa nga Terrain Hotel eyalimu abagwiira nga 50 ab’ebitongole ebitali bimu ne bakola ebikolobero.

Nnyini woteeri, Omungereza Mike Woodward yategeezezza kkooti nti woteeri yalumbibwa abajaasi abaali wakati wa 50 ne kikumi ne bakola efujjo. Abajaasi bano abamu baagenda mu bbaala abalala ne bagenda mu bifo ebisuulwamu ne bakola effujjo.

Woodward yagambye nti abajaasi baakwata abakazi nga bataano, ne batta munnamawulire,okukuba omukozi Omumerika essasi,  n’okutulugunya buli muntu eyali mu woteeri.

Abaali mu woteeri baakubira eggye ly’amawanga amagatte erikuuma emirembe eryali mu kitundu ne litafaayo.

Ekitebe ky’amawanga amagatte mu kiseera ekyo kyalina abakozi 13,000 abaali mu yinifoomu kyokka nga tebalina bukulembeze bulungi ekyaleeta embeera okwongera okusajjuka.

Eyali aduumira abajakuumi bano nga Munnakenya yagobwa.

More From The Author

Emboozi z’omuwandiisi endala

Emboozi endala

Liv1 220x290

Ssente za Pulezidenti zitabudde...

Ssente za Pulezidenti zitabudde aba taxi b’e Kamwokya.

Jip1 220x290

Ekyabadde mu kutuuza Bisopu w'Abasodokisi...

Ekyabadde mu kutuuza Bisopu w'Abasodokisi e Gulu

Mot2 220x290

Muganda wa Ssemwanga naye bamukutte...

Muganda wa Ssemwanga naye bamukutte ku by’okufera ssente

Pak2 220x290

Mike Mutebi ne Misagga bandibonerezebwa...

Mike Mutebi ne Misagga bandibonerezebwa

Web2 220x290

Ne mu kusoomoozebwa tewava ku Katonda...

Ne mu kusoomoozebwa tewava ku Katonda