TOP
  • Home
  • Ageggwanga
  • URA yakung'aanyizza obuwumbi 27 mu musolo gwa 'Socia Media' ne 'Mobile Money'

URA yakung'aanyizza obuwumbi 27 mu musolo gwa 'Socia Media' ne 'Mobile Money'

By Muwanga Kakooza

Added 7th September 2018

URA yakung'aanyizza obuwumbi 27 mu musolo gwa 'Socia Media' ne 'Mobile Money'

Kola1 703x422

Akulira URA, Dorris Akol ng'ayogerera mu lukung'aana lwa bannamawulire

EKITONGOLE ekikung’anya emisolo mu ggwanga ( URA) kitegeezezza nti kyakakung’anya  obuwumbi 27 okuva mu misolo emipya okuli ogw’okukozesa ‘yintanenti’ ku ssimu z’omu ngalo n’ogwa ‘mobayiro mane’ mu mwezi gwa July.

Obuwumbi 22 zagyiddwa mu musolo ku ‘mobayiro mane’ ate obuwumbi obukununkiriza mu butaano ne ziggyibwa ku musolo gw’okukozesa yintanenti ku ssimu z’omu ngalo.

Emisolo gyatandika mu July 2018 kyokka abantu ne bakayana okufa nti gibanyigiriza era gikosa ebyenfuna ,ebyenfuna n’okulemesa abantu okuyingirira eddembe ly’okweyogerera.

Abasuubuzi bagamba nti omusolo ku ‘mobayiro mane’ guttattanye bizinensi, era bawa eky’okulabirako nti abantu abakozesa enkola eno bakendeera n’ensimbi ezigiyitamu ne zikendeerako obuwumbi 672 mu July omusolo we gwatandikira,okusinziira ku bbanka enkulu.

Kyokka akulira URA Doris Akol eyabadde ayogerera ku kitebe kya URA ku mukolo gy’okutongoza wiiki y’ebyemisolo enebaawo Sepetember 26- 28  yagambye nti emisolo gino giyambye mu kwongera ku bungi bw’ensimbi zekikunganya era eggwanga lifunyeemu.

‘’Simanyi ssente ze tugenda kukung’anya mu kiseera kino kuba abantu bagenze bakiriza omugaso gw’okugisasula’’ bwe yagambye.

Wiiki  y’ebyemisolo emanyiddwa nga ‘’The Tax Payer Appreciation week’’ egenda kubaawo wakati wa September 26 ne 28 ku kisaawe e Kololo.

Mu nnaku zino ebitongole bya gavumenti ebitali bimu biraga kye bikozeewo ku nsimbi ezibiweebwa gavumenti era abantu bamanyisibwa ku bikolebwa gavumenti. Era abantu ba bulijjo  bajja kufunamu kuba wajja kubaawo okubawa amagezi ku by’amateeka, okubakebera emitima, okukebera ebyapa, okubagema Hepatisis B n’enkaka,okubakebera sickle cell ne kkansa.

Wajja kubaawo ne kawefube w’okusimba emiti obukadde kkumi era ekitongole ky’ebyebibira ekya ‘National Forestry Authority’  kye kigenda okubiwomamu omutwe.

More From The Author

Emboozi z’omuwandiisi endala

Emboozi endala

Ras22 220x290

Bakitunzi ba Rashford bamutaddeko...

Rashord, 21, yava mu akademi ya ManU okwegatta ku ManU kyokka waliwo ebigambibwa nti Barcelona emuperereza.

Barnabasnawangwe703422 220x290

Makerere University esabye Gav't...

YUNIVASITE y’e Makerere esabye gavumenti egyongere obuwumbi 47 ziyambe mu kukola ku by’okusasula emisaala gy’abakozi...

29243df2f7bc3e5c325b36c37a17a53dc8cb3ab9 220x290

Eyali Pulezidenti yeekubye essasi...

EYALI Pulezidenti wa Peru, Alan García 69, yeekubye essasi ne yetta poliisi bw’ebadde egenda okumukwata ng’emuvunaana...

Pros 220x290

Gavt. ereeta etteeka ku mobile...

GAVANA wa Bbanka Enkulu mu Uganda, Emanuel Tumusiime Mutebile agambye nti, Gavumenti egenda kuleeta etteeka ku...

Cardinal 220x290

Kalidinaali Wamala ayogedde ku...

KALIDINAALI Emmanuel Wamala ayogedde ku mbeera y’obulamu bwe n’ategeeza nti, talina kimuluma kyonna okuggyako obukadde....