TOP
  • Home
  • Ageggwanga
  • Palamenti ewadde gav't ebiragiro ku bbeeyi y'amasannyalaze

Palamenti ewadde gav't ebiragiro ku bbeeyi y'amasannyalaze

By Muwanga Kakooza

Added 12th September 2018

PALAMENTI eragidde gavumenti okuddamu okwekenenya endagaano ze yakola n’amakkampuni agakola n’okutunda amasanyalaze kiyambe okukendeeza ebbeeyi yago n’ensimbi ezisabwa bakasitoma abaagala okweyunga ku layini z’amasanyalaze.

Yaka 703x422

Ababaka era bazudde nti amakkampuni ago gakola amasanyalaze mangi okusinga ku Bannayuganda  ge beetaaga  nga  kino kiyinza okuba nga kye kivuddeko ebbeeyi yago okuba waggulu kuba ensimbi ze gasaamu okugakola Bannayuganda be bazisasulira .

Mu ngeri eno ababaka bawadde amagezi kkampuni ezikola amasanyalaze okuva mu mafuta ga  dizero okuli eya Electromax ne Jacobsen ziggalwewo kuba gavumenti ezisasanyizaako obuwumbi 68 buli mwaka kyokka nga ne bwe zitabaawo amasanyalaze agaliwo gaba gamala.

Bino biri mu lipooti y’akakiiko ka palamenti akalondoola ensasaanya y’ensimbi za gavumenti (PAC) eyavudde mu kwekekenya (lipooti) y’omubalirizi w’ebitabo bya gavumenti ekwata ku minisitule y’ebyamasanyalaze.

Mu lipooti ababaka beemulugunyizza ku kya Pulezidenti Museveni okuwa ebiragiro ebyavaako kkampuni ya M/S Sino Hydro corparation  okuweebwa omulimu gw’okuzimba ebbibiro ly’amasanyalaze e Karuma n’eya China International water and Electrical company okuwebwa omulimu gw’okuzimba eddala e Isimba mu Busoga.

Basabye Pulezidenti akomye okweyingiza mu mirimu gy’ebitongole bya gavumenti nga bagamba nti olumu kivaako Uganda okufirizibwa mu by’ensimbi. 

Eky’okuwa kkampuni ya M/S Sino Hydrocorparation omulimu gw’okukola ebibiro ly’amasanyalaze ababaka n’ofiisi y’omubalirizi w’ebitabo bya gavumenti balumiriza nti kulimu ebituli ebiyinza okuba nga birina engeri gye  byafiriza Uganda ensimbi.

Bazzeemu okuwa amagezi ekitongole kya gavumenti ekivunaanyizibwa ku kubunyisa amasanyalaze ekya ‘Uganda Electricity distribution Company Ltd’ okusazaamu endagaano gye kyakola ne UMEME ey’okuguza Bannayuganda amasanyalaze. Era ne basaba gavumenti okwongera amaanyi mu ntegeka z’okubunyisa amasanyalaze  mu ggwanga okugakozesa kweyongere mu ggwanga.

More From The Author

Emboozi z’omuwandiisi endala

Emboozi endala

Leb2 220x290

Emmotoka mwe ntambulira etuuse...

Emmotoka mwe ntambulira etuuse okunsuza ku kkuno-Bp. Ssebaggala

Pop1 220x290

Aba Poliisi ababadde bavunaanibwa...

Aba Poliisi ababadde bavunaanibwa okutta Kirumira bateereddwa

Pi3 220x290

Apass ajereze Kenzo ne Fik Fameica....

Apass ne Eddy Kenzo bawakana ani asinga okwesala emisono wabaluseewo olutalo lw'ebigambo

Sev2 220x290

Pulezidenti asisinkanye abagagga...

Pulezidenti asisinkanye abagagga abalwanira ebizimbe mu Kampala

Muh1 220x290

Abasuubuzi basattira olw’obukwakkulizo...

Abasuubuzi basattira olw’obukwakkulizo Muhangi bw’abataddeko