TOP
  • Home
  • Ageggwanga
  • Ab'e Rubirizi basabye Museveni akome ku bajaasi abalwanyisa envuba embi

Ab'e Rubirizi basabye Museveni akome ku bajaasi abalwanyisa envuba embi

By Ali Wasswa

Added 23rd September 2018

ABAKULEMBEZE b’omu disitulikiti y’e Rubiriizi basabye Pulezidenti Museveni okukoma ku bajaasi ba UPDF okukendeeza ku bukambwe bwe bakozesa nga balwanyisa envuba embi ku nnyanja nga bagamba nti kivuddeko abamu ku bavubi okufiirwa obulamu.

Sevo 703x422

Pulezidenti ng’akwasibwa ettooke eryamuweereddwa omutuuze Tayebwa e Rubiriizi.

ABAKULEMBEZE b’omu disitulikiti y’e Rubiriizi basabye Pulezidenti Museveni okukoma ku bajaasi ba UPDF okukendeeza ku bukambwe bwe bakozesa nga balwanyisa envuba embi ku nnyanja nga bagamba nti kivuddeko abamu ku bavubi okufiirwa obulamu.

Omubaka w’essaza ly’e Bunyaruguru, John Twesigye n’omubaka omukazi owa disitulikiti y’e Rubiriizi, Kasande Bataringaya, bawadde amagezi nti abavubi basooke kusomesebwa ku nvuba ennungi ng’eggye terinnaleeta bukambwe kulwanyisa nvuba eno.

Bino we bijjidde nga n’ababaka ba Palamenti okwabadde ne Sipiika Rebecca Kadaga balinnye mu kyoto nga baagala gavumenti ennyonnyole ky’ekozeewo okulwanyisa ekyayitiddwa obukambwe eggye erya UPDF erirwanyisa envuba embi bwe likozesa ku bavubi.

Palamenti yayabuse teweereddwa lunaku lutongole lw’egenda kuddamu ng’ababaka bagamba nti gavumenti erina kusooka kunnyonnyola kyekozeewo okulwanyisa omuze guno ku nnyanja zonna okuli ne Nalubaale.

Kadaga yakyadde e Bukhooli mu disitulikiti y’e Namayingo ne bamwemulugunyiza nti abajaasi bano bayitirizza effujjo.

Wabula ne Pulezidenti Museveni eyabadde ku kisaawe kya Ndekye Primary School mu disitulikiti y’e Rubiriizi oluvannyuma lw’okulambula wooteeri n’amakolero mu kitundu kino, abakulembeze baayo naye baamugambye nti abajaasi ku nnyanja Edward ne George mu bugwanjuba bwa Uganda bayitirizza obukambwe.

Ne bagamba nti kireetedde n’abamu ku bavubi okuva mu maato ne beesuula mu nnyanja nga balabye abajaasi.

Wabula ate e Masaka abavubi n’abasuubula ebyennyanja okuva mu Masaka n’emiriraano abeegattira mu kibiina kya ‘’ AFALU’ batabukidde Sipiika Kadaga ne Palamenti ne babagamba nti babaviire ku bajaasi abalwanyisa envuba embi kuba bakoze omulimu gwa ttendo nga n’ennyanja etandise okuddamu ebyennyanja.

Abasuubuzi abaakulembeddwa ssentebe waabwe, Richard Kimera nga bali mu lukiiko olwatudde ku Royal Gardens baagambye eggye lino likoze kya maanyi okulwanyisa envuba embi ne basaba Pulezidenti Museveni ayongere abajaasi ku nnyanja.

Baagambye nti eggye lino nga likulemberwa Lt. Col. Niwagaba, lyasooka kusomesa bantu ku nvuba embi ne bagamba nti Sipiika ne banne bye balimu bya kwagala kukomyawo nvuba mbi ku nnyanja ebadde efuuse olufumo.

E Rubiriizi, omubaka Twesigye yasabye gavumenti okwongera okutumbula ebyobulamu mu Bunyaruguru ne basaba Pulezidenti Museveni okugaziya eddwaaliro ly’e Ndyekye Health Centre IV lifuuke eddawaliro eddene (hospital).

Museveni yasiimye abantu olw’okuwagira NRM n’okulwanyisa obwavu.

More From The Author

Emboozi z’omuwandiisi endala

Emboozi endala

Kab2 220x290

Leero mu mumboozi y'omukenkufu...

Leero mu mumboozi y'omukenkufu tukulaze engeri gy'oyinza okukozesaamu butto w'empirinvuma okulwanyisa obulumi ng'oli...

Kuba1 220x290

Abalamuzi mu nsi za Afrika 5 basisinkanye...

HENRY Peter Adonyo akulira ettendekero ly’abalamuzi akubirizza abalamuzi ba Kkooti Enkulu okwenyigiranga mu misomo...

Haki 220x290

Kamoga atongozza hakki eyookuna...

HAJJI Muhammadi Kamoga naye nno tasaaga. Ayingizzaawo hakki eyookuna Zanei Birungi.

Tuula 220x290

Spider Roxy atandise okukokoolima?...

ABANTU abaalabye omuyimbi Spider Roxy n’ekyana nga beekuba obuwuna n’obwama baasigadde beebuuza oba naye yatandise...

Tuma 220x290

Omuwala yankyawa lwa bwavu

NZE Wilson Musoga, nzaalibwa mu disitulikiti y’e Mayuge. Mu 2018, nnasalawo okufuna omwagalwa era amaaso gansuula...