TOP
  • Home
  • Ageggwanga
  • Engeri Kusaasira gye yasimattuse amasasi ga Gen. Kasirye Ggwanga

Engeri Kusaasira gye yasimattuse amasasi ga Gen. Kasirye Ggwanga

By Josephat Sseguya

Added 1st February 2019

OMUYIMBI Catherine Kusasira attottodde engeri gye yawonyemu amasasi, Maj. Gen Kasirye Ggwanga ge yakubye emmotoka ye.

Yiwa 703x422

Poliisi ng'etuuse awaabadde ensasagge e Makindye ku Madirisa.

Kusasira agamba nti yabadde Makindye ku Madirisa ekiro ku Lwokusatu ku ssaawa nga 5:00, abavubuka babiri abavuga mmotoka etambuza ebizigo bye ebya Kusasira Cream bwe baabadde bagenze ku wooteeri okugula emmere ne basanga emmotoka ya Kasirye Ggwanga ng’eri mu kkubo. Ye yabadde mu yiye ku bbali.

Agamba nti mu kiseera kino abaana ba Kasirye Ggwanga nabo abaabadde mu mmotoka ya kitaabwe baalemedde mu kkubo.

Aba Kusasira bwe baabagambyeko ate baatandise kubawemula n’okwogera ebigambo ebinyiiza nga babavvoola.

Kusasira anyumya nti abavuga emmotokaye baamuyise n’atuuka mangu ate mu kadde ke kamu n’abaana ba Kasirye Ggwanga baabadde bamaze okuyita kitaabwe olwo bombi ne batuukira kumu.

Kusasira yategeezezza nti bwe yalabye Kasirye ggwanga n’aleka abaana n’agenda ku mmotoka ye n’amugamba nti, abagambeko kubanga baabadde basusse okuvvoola bannaabwe ate nga beeyisa batyo kubanga balaba kitaabwe munene.

Wabula mu budde obwo abaana baabadde baleekaana nga bwe bagamba nti; ‘Dadi, abo babadde batuvuma.’

Kusasira agenda mu maaso n’agamba nti Kasirye Ggwanga yabuuzizza kimu mu Lungereza nti, ‘Where is my gun?’ ekivvuunulwa nti emmundu yange eriwa, kwe kugenda mu mmotoka n’agiggyayo.

Yagikookinze era wano abantu abangi abaabadde bakuhhaanye kwe kubuna emiwabo Kusasira n’asigalawo nga bw’amugamba nti, ‘nkuba bw’oba osobola naye toli waggulu w’amateeka.’

Kasirye ggwanga yamuyiseeko n’akuba emmotoka ye ekika kya Premio nnamba UAY 083J eyabadde evugibwa abavubuka babiri n’eyabika omupiira n’olupanka ne lufuna ekituli Kasirye ne yeggyawo.

Kusasira yamugguddeko omusango ku poliisi y’e Katwe olw’okwonoona emmotoka ye (Malicious damage) n’okumutiisatiisa. Guli ku fayiro REF:07/09/01/2019.

More From The Author

Emboozi z’omuwandiisi endala

Emboozi endala

Lab12 220x290

Okulonda kwa Ssentebe wa NRM e...

Okulonda kwa Ssentebe wa NRM e Mityna kuzzeemu kigoye wezinge

Gwe1 220x290

Taata bamuwadde emitwalo 30 n'awaayo...

Taata bamuwadde emitwalo 30 n'awaayo omwana we ew'omusamize bamusadaake

Nkumba2jpgweb 220x290

Abadde ayingira mu ofiisi z'ebizimba...

Allan Nkumba omutuuze w'e Kabowa mu Sserwadda zooni ye yakwatiddwa poliisi ya CPS ku Lwokusatu oluvannyuma lw’okugenda...

Sjpgweb 220x290

Eyanfunira omulimu mufiirako

Nze Innocent Katusiime 29, mbeera Nakawa. Buli lwe ndowooza ku ngeri gye nnasisinkanamu maama w’omwana wange essuubi...

Nsamba22pulaaniusewebuse 220x290

Mukuume obumu musobole okwekulaakulanya...

Ab'ekika ky'Engabi beetaaga obukadde 13o okuzimba ekiggwa kyabwe