TOP
  • Home
  • Ageggwanga
  • Munnayuganda bamukwatidde ku kisaawe e Dubai n’enjaga

Munnayuganda bamukwatidde ku kisaawe e Dubai n’enjaga

By Musasi wa Bukedde

Added 11th February 2019

OMUWALA Munnayuganda akwatiddwa ku kisaawe ky’ennyonyi e Dubai ng’asitudde ekitereke ky’amatooke ekigambibwa okubaamu enjaga.

Wine 703x422

Shaniz Kartel

Shaniz Kartel kigambibwa nti yakwatiddwa nga yaakatuuka ku kisaawe e Dubai, kyokka agamba nti mukwano gwe Vegas ye yakimuwadde.

Omwogezi wa poliisi mu ggwanga Fred Enanga yagambye nti poliisi etandise okunoonyereza ku nsonga y’omuwala ono.

“Twagala okuzuula mwannyina wa Shaniz eyamutwalira ekitereke e Ntebe abeebyokwerinda ne batazuula nti kyalimu enjaga, kyokka ab’e Dubai ne bagiraba,” Enanga bwe yategeezezza.

Yagasseeko nti, engeri UAE gye liri eggwanga eryetongodde, bagenda kubawa omukisa basooke bakole okunoonyereza kwabwe nga ne poliisi bw’enoonyereza engeri ekitereke ekyogerwako gye kyayita ku kisaawe e Ntebe. “Kino kibe ekyokuyigirako eri Bannayuganda abalala nti kibeera kyabulabe okukkiriza okutwalira omuntu omugugu nga tomanyi birimu.

Tugenda kukebera kkamera zaffe ez’oku kisaawe tulabe ekituufu ekyaliwo oluvannyuma tulabe ekinaddako,” Enanga bwe yategeezezza.

Shaniz yasinzidde mu kkomera n’alaajanira aboobuyinza mu Uganda okumuyamba ng’agamba nti waliwo mukwano ogwe Vegas ng’amannya ye Samson Kyamaggwa eyamusabye amutwalire ekitereke ky’amatooke kyokka olwatuuse ku kisaawe e Dubai abeebyokwerinda ne bamukwata nga bagamba nti yabadde n’enjaga.

More From The Author

Emboozi z’omuwandiisi endala

Emboozi endala

BUKEDDE W’OLWOMUKAAGA YAFULUMYE...

Tukulaze ebiri mu bubaka bwa Kabaka obwa Paasika, bw’avuddeyo ku balina obuyinza abasengula abantu ku ttaka.

Siiba 220x290

Abeekalakaasi e Sudan balaze Gav't...

Abeekalakaasi e Sudan balaze Gav't gye baagala

Langa 220x290

Baganda ba Bashir nabo babakutte...

Bannamagye abaawambye obuyinza e Sudan bakutte baganda ba Omar al-Bashir babiri abagambibwa nti b’abadde akozesa...

Namirembe1omulabiriziluwalirakityongakulembeddeabakrisitaayookutambuzakkubolyamusalabaa 220x290

Tekinologiya aleme kubeerabiza...

Tekinologiya aleme kubeerabiza Katonda - Bp. Kityo Luwalira

Katwe5 220x290

Dokita w’eddwaaliro lya IHK talabikako...

DOKITA mu ddwaaliro lya International Hospital Kampala (IHK) abuze mu ngeri etategeerekeka ekivuddeko akasattiro...