TOP
  • Home
  • Ageggwanga
  • Okulima mukuteekemu ekibalo okwongera ku nnyingiza - Museveni

Okulima mukuteekemu ekibalo okwongera ku nnyingiza - Museveni

Added 22nd July 2019

PULEZIDENTI Museveni akunze Bannayuganda okunyiikirira okulima nga bakutaddemu ekibalo basobole okwongera ku nnyingiza.

Agambye nti ekiremesezza okuva mu bwavu balimira lubuto lwokka nga tebataddemu kibalo ne beesanga nga buli kebalimawo ke balya ekintu ekisibidde amaka mangi mu bwavu.

Bino pulezidenti azze abyogera mu nkung'aana ez'enjawulo mw'azze asomeseza Bannayuganda ku ntekateeka ya bonnabagaggawale basobole okweggya mu bwavu.

Olunaku lwa Sande yasiznidde mu lutikko e Lubaga n'addamu okutikka abakulembeze b'enzikiriza obubaka bwebumu n'ategeeza nti abakulu mu ddiini balina kinene eky'okukola okukyusa obwongo bw'abatu kubanga babakkirizaamu nnyo.

Okunoonyereza okwakoleddwa aba Twaweza Uganda kwe baatuumye Sauti za Wananchi kulaga nti buli maka 4 ku maka 5 mu Uganda tebalina sente zisobola kubayamba kumaliriza byetaago byabwe buli lunaku.

Okunoonyereza kuno baakufulumizza November 2018 nga kulaga nti sente amaka zegetaaga okugayimirizaawo mu lunaku lumu zikendedde okuva ku 11,800/- okutuuka ku 10,300/-

Okunoonyereza kwekumu kulaga nti amakkati ku maka gonna agali mu Uganda galina omuntu nga yawanduka mu ssomero olw'okubulwa sente.

Museveni bwe yabadde e Ngoma mu Nakaseke wiiki ewedde yategeezezza nti abaayo baamanya enjiri ya NRM ne batandika okukola kati mu kitundu ekyo wavaayo liita z'amata 1,700,000 buli lunaku.

Yagambye nti ssinga abantu bava ku kulunda n'okulima okwenkola enkadde ne bakyusa okudda ku mulembe, buli maka gagenda kufuna sente Uganda eyongere okukulaakulana.

More From The Author

Emboozi z’omuwandiisi endala

Emboozi endala

Agugulana ne KCCA atiisizza...

HAJJI Rashid Ssenyonjo Musisi atiisizza okukung'anya famire ye batuule mu luguudo ompi n'amayumba ge e Lweza...

Trump anywezezza ebyokwerin...

Abaserikale abamukuuma beebulungudde White House okuva mu ggye erimanyiddwa nga The Washington, DC National Guard,...

 Mwamula Juma, the UPTU General Secretary speaking the press in Kampala. Looking on is a member of UPTU. Courtesy photo

Uganda Private Teachers Uni...

Mwamula Juma, the UPTU General Secretary said the government directive is more of a populist voice than a realistic...

 Kayiwa

Munnamakolera asabye Gav't ...

MUNNAMAKKOLERO Steven Kayiwa nga y'akiikirira Bannamakkolero mu lukiiko lwa Buganda olukulu asabye gavumenti eyawakati...

Bagabidde abakozi b'Abachin...

MINISITULE y'ebyobulamu egabidde abakozi mu b'omu nnimiro z'abachina abalimira omuceere mu Lwera n'abavubi b'oku...