TOP
  • Home
  • Busoga
  • Enteekateeka z'okuziika Bajagaali ziwedde

Enteekateeka z'okuziika Bajagaali ziwedde

By Musasi wa Bukedde

Added 30th October 2019

AB’E Busoga nga bategeka okuziika Nabamba Bujagali ku Ssande ekiro, bbeeyi y’enkoko n’ebisolo ng’embuzi n’endiga bagirinnyisizza mu byalo ebyetooloddewo.

Bujagali1 703x422

Abaswezi nga bazina balinnya mu musaayi.

Bya TOM GWEBAYANGA

AB’E Busoga nga bategeka okuziika Nabamba Bujagali  ku Ssande ekiro, bbeeyi y’enkoko n’ebisolo ng’embuzi n’endiga bagirinnyisizza mu byalo eby’etooloddewo.

Abasamize abagendayo okumukungubagira nga n’abamu abadde abajjanjaba balina obukwakkulizo n’emizizo bye batuukiriza ng’okukikola basaddaaka ebisolo n’enkoko.

Okusinziira ku Katuukiro w’Obwa  Bujagali bwa Kira, Waiswa Muyiri, enkoko ekitulazi ebadde agula 15,000/- kati eri ku 25,000/- , empanga ziri wakati wa 25,000/- ne 45,000/- ng’ate embuzi ezibadde zigula wakati wa 60,000/- ne 100,000/-, zaalinnye nga kati ziri wakati wa 90,000/- ne 150,000/-, okusinziira ku bunene.

Ng’ebbeeyi y’enkoko eyongera okwekanama, n’enteekateeka z’okulonda anaamusikira zigenda mu maaso.

Obukwakkulizo obuliwo, okukakasa nti oyo ye mutuufu anaddira Bujagali mu bigere, bajja kusooka kumukubira ng’oma azine alinnye mu muliro gwe bakumyewo nga tegumwokya olwo bamukoleko emikolo emirala.

Obwakyabazinga bwa Busoga bwataddewo akakiiko okukola ku nteekateeka z’okuziika nga kakulirwa minisita w’ebyobuwangwa n’ennono, Richard John Mafumo.

Eggulo baatuuzizza olukiiko okusonda ssente ezinaakozesebwa mu mikolo egyetaagisa n’okuttaanya enteekateeka endala.

More From The Author

Emboozi z’omuwandiisi endala

Emboozi endala

Sit114 220x290

Gavumenti etandikidde Bwaise okugaba...

Gavumenti etandikidde Bwaise okugaba emmere

Fud1 220x290

Omugagga Ham awaddeyo obukadde...

Omugagga Ham awaddeyo obukadde 100 okudduukirira abali obubi olw'embeera ya Corona Virus

Denisonyango1703422 220x290

Coronavirus atta - Onyango

KAPITEENI wa Cranes, Denis Onyango, akubirizza Bannayuganda okwongera okwegendereza ssennyiga omukambwe 'COVID-19',...

Nakanwagigwebaalumyekoomumwa1 220x290

Emmere etabudde omukozi wa KCCA...

OMUKOZI wa KCCA alumyeko muliraanwa we omumwa ng’amulanga okutuma omwana okubba emmere ye, naye abatuuze bamukkakkanyeko...

Hell 220x290

Gav't etaddewo kampeyini ya ‘TONSEMBERERA’...

Gavumenti etaddewo kampeyini etuumiddwa “TONSEMBERERA” mw’eneeyita okutangira okusaasaana kwa ssennyiga wa coronavirus....