TOP

Omujaasi bamukutte ne ssente z’enguzi

By Musasi Wa

Added 6th August 2015

BAMBEGA ba Poliisi okuva mu kitongole kya PSU ekirondoola enneeyisa y’abaserikale, bakutte omuserikale Perez Ssebbowa ku poliisi y’e Wakaliga okumpi n’e Nateete nga bamuvunaana kukola kikwekweto n’atandika okusolooza ssente ku bantu mu bukyamu.

2015 8largeimg206 aug 2015 124516687 703x422

Bya PONSIANO NSIMBI


BAMBEGA ba Poliisi okuva mu kitongole kya PSU ekirondoola enneeyisa y’abaserikale, bakutte omuserikale Perez Ssebbowa ku poliisi y’e Wakaliga okumpi n’e Nateete nga bamuvunaana kukola kikwekweto n’atandika okusolooza ssente ku bantu mu bukyamu.

Ssebbowa okukwatibwa kyaddiridde ab’ehhanda z’abaakwatiddwa okukeera ku poliisi okuggyayo abantu baabwe kyokka bakira buli amutuukirira ng’amuggyako enguzi, ekyabawalirizza okumuloopa mu bakama be.

Swaib Saaka, omutuuze w’e Nateete mu Kajumbi zooni yategeezezza nti ye yakwatiddwa ku ssaawa nga 5:00 ez’ekiro bwe yabadde adda eka ne bamusaba ebimwogerako n’abiwaayo kyokka Ssebbowa n’amugamba nti oba ayagala okumusonyiwa alina okumuwa 100,000/-. Bw’ataazimuwadde n’amussa ku mpingu.

Abantu baabadde bangi ku poliisi e Wakaliga abazze okununula abantu baabwe era omu ku bo kye yavudde aleeta ekirowoozo bakubire ku bakulu babaloopere nga Ssebbowa bw’asaba ssente.

Baakubye essimu mu kitongole kya PSU ne kisindika boofiisa basatu. Bwe baatuuse, baagenze butereevu ku kaduukulu ne bayimbula abasibe bonna olwo ne badda mu kafubo n’atwala poliisi eno, Florence Oryem. Oluvannyuma baayise Ssebbowa ne bamubuuza we yabadde awandiise abasibe abali mu kaduukulu n’abo be yabadde ayimbudde nga takirina.

Baamubuuzizza ssente ze yabadde nazo mu nsawo n’tegeeza nti zaabadde emitwalo 18 kyokka bwe baamwazizza, ne bamusanga ne 300,000/-. Okumubuuza endala gye yabadde aziggye, ng’atunula butunuzi. Amangu ago baamuggalidde nga poliisi bw’etegeka fayiro ye ku musango gw’okuggya ensimbi ku bantu mu bukyamu.

 

Omujaasi bamukutte ne ssente z’enguzi

More From The Author

Emboozi z’omuwandiisi endala

Emboozi endala

Kabuzi1 220x290

Uganda ekubye Malawi 2-0 n'ewaga...

MU Mupiira, waliwo enjogera egamba nti tewali buwanguzi bubi, wabula waliwo bw’otuuka ekiseera ng’olina okutunuulira...

Gendako 220x290

Engeri okwanjula kwa Hamza gye...

Ebika bibiri eky’Endiga n’Ekyolugave Rema mw’azaalwa byali tebimanyiganye era nga tebasisinkanangako.

Bwama 220x290

Rema annyonnyodde by'ayiseemu ng'anoonya...

Rema yabattottolera obuzibu bwe yayitamu ng’anoonya ekika kye. Nti olumu Rema yasisinkana Ssenga we Nabatanzi ku...

Laga 220x290

Rema yasoose kukolebwako mikolo...

E Kyengera mu wiiki eddirira emikolo, Rema yasoose kukolebwako mikolo gya buwangwa okwanjula Hamza, Rema yali ne...

Buuza 220x290

Embaga ya Rema eriko ebibuuza

Kirumira yagasseeko nti ennaku z’omwezi baakuzitegeeza abantu mu kiseera ekituufu; n’annyonnyola nti enteekateeka...