TOP

URA ezzizzaayo emmotoka za buwumbi ezabbibwa e Bungereza

By Joseph Makumbi

Added 10th February 2016

Emmotoka zino kuliko ez’ebika eby’enjawulo omuli; Range Rover, Audi, BMW, Lincolin, Nissan Navara n’ebika ebirala.

Londa1 703x422

Ezimu ku mmotoka ezazziddwaayo e Bungereza.

EKITONGOLE kya URA kiwaddeyo emmotoka ez’ebbeeyi 24 ezibalirwamu obuwumbi bw’ensimbi nga zino zabbibwa Bannayuganda mu Bungereza ne zireetebwa kuno mu bukyamu.

Emmotoka zino kuliko ez’ebika eby’enjawulo omuli; Range Rover, Audi, BMW, Lincolin, Nissan Navara n’ebika ebirala.

Ezimu zibadde zivugibwa bannaggwadda mu Kampala, era eggulo (ku Lwokubiri) zaakwasiddwa omubaka wa Bungereza mu Uganda, Alison Blackburne, ku kitebe kya Uganda Revenue Auntority (URA) e Nakawa.

Abakugu okuva mu kitongole kya gavumenti ya Bungereza ekya ACPO Vehicle Crime Intelligence (AVCIS) okuli Nathan Ricketts ne Mark Haigham baasoose kwekebejja mmotoka zino era zonna ne bakakasa nti zabbibwa waabwe.

Gye buvuddeko, gavumenti ya Bungereza yannyonnyola engeri abagezigezi gye bayingira amaka g’abantu ne babba emmotoka ne zivugibwa okutwalibwa e Bufalansa gye bazitikkira mu konteyina ne bazitwala mu kyondo kya Buwalabu oluvannyuma gye zitikkibwa ku nnyanja okutuuka e Mombasa mu Kenya, olwo ne zivugibwa okuyingira Uganda.

Dicksons Kateshumbwa, kaminsona wa URA, akola ku byamaguzi ebiyingizibwa mu ggwanga, yagambye nti ezimu ku Range Rover ezaakwatibwa baazisanga mu kkonteyina nga zibikkiddwaako emifaliso era beeyambisa ebyuma ebirengera munda okuzikwata.

Emmotoka endala, ababbi babadde bazireeta nga beefudde abazitwala mu mawanga okuli DR Congo ne South Sudan kyokka ne bazitunda mu Uganda.

Benson Oyo-Nyeko, amyuka dayirekita wa poliisi y’ensi yonna mu Uganda, yagambye nti ekibinja ky’ababba emmotoka zino kinene nnyo era enkolagana ennungi ne gavumenti ya Bungereza yeetaagisa mu kubalwanyisa.

Akulira URA, Doris Akol, yasabye ebitongole ebirala okubakwasizaako mu kulwanyisa ababbi ate omubaka wa Bungereza, Blackburne yagambye nti gavumenti ye ya kuyambako abaserikale ba Uganda okutendeka abaserikale ba kuno obukodyo bw’okuzuula emmotoka enzibe.

More From The Author

Emboozi z’omuwandiisi endala

Emboozi endala

Kakozaemmotokazeazilabiriraokusikirizabakasitomawebuse 220x290

Mmotoka enkadde mwe nkola ssente...

Wazir Kakooza alaga lwaki omuntu yeetaaga kuyiiya kyokka okukola ssente mu kifo ky'okunoonya emirimu.

Miss 220x290

Abavuganya mu mpaka za Miss Uganda...

Abawala 22 abavuganya mu mpaka za Miss Uganda battunse mu mpaka z'okwolesa talanta

Eyeclinicwebuse 220x290

Kw'olabira amaaso ageetaaga okujjanjabwa...

Kebeza amaaso go buli mwaka okutangira obuzibu okusajjuka ssinga gabeera malwadde

Img20190718132844webuse 220x290

Abakyala mukole ebiraamo okutangira...

Abakyala muve mu kwezza emabega mukole ebiraamo okuwonya abaana bammwe okubbibwa n'obutafuna mu ntuuyo zammwe

Bala3 220x290

Abaabadde ne Prince Omar ng'akwata...

OMUYIMBI amanyiddwa nga Prince Omar bwe yabadde akola vidiyo ye abaamuwerekeddeko baalidde emichomo gyennyama kw'ossa...