TOP

Obululu butandise okutwalibwa mu bifo awanaalonderwa

By Dickson Kulumba

Added 16th February 2016

Ebikozesebwa byaggyiddwa ku tterekero ly’akakiiko kano e Banda mu ggombolola y’e Nakawa mu Kampala ku ssaawa 12 ez’oku makya g’olunaku lw’eggulo ne bitwalibwa mu kitundu kya West Nile, Moyo, Koboko, Nebbi ne Karamoja.

Bala 703x422

Ying. Kiggundu (akutte bendere) ng’asimbula mmotoka omuli eby’okweyambisa mu kulonda.

AKAKIIKO k’ebyokulonda katandise okutambuza ebikozesebwa mu kulonda ng’ebisoose bigenze mu bifo ebiri mu masoso g’ebyalo.

Ebikozesebwa byaggyiddwa ku tterekero ly’akakiiko kano e Banda mu ggombolola y’e Nakawa mu Kampala ku ssaawa 12 ez’oku makya g’olunaku lw’eggulo ne bitwalibwa mu kitundu kya West Nile, Moyo, Koboko, Nebbi ne Karamoja.

Mu bikozesebwa ebyatwaliddwa kuliko; obukonge bw’obululu, enkalala z’abalonzi, ebyuma ebigenda okweyambisibwa mu kulonda, bwino, ekkalamu, ebbaafu, obubokisi omulonderwa, obuveera, ettaala, obugoye n’obulambe obwambalwa abalondesa, empapula okuwandiikibwa ebivudde mu kalulu, obukozesebwa okubala obululu n’ebitambuza ebibookisi.

Omwogezi w’akakiiko kano, Jotham Taremwa yategeezezza nti okutambuza ebikozesebwa bino kwakoleddwa ku makya okubisobozesa okutuuka amangu ng’olunaku terunnaziba.

Taremwa yagambye nti, “ okutambuza ebikozesebwa kwakoleddwa ku makya nga twagala bituuke ng’olunaku terunnaziba ate (leero) ku Lwokubiri n’ebirala byakutwalibwa mu bitundu by’eggwanga ebirala byonna nga bikolebwa okwetegekera akalulu akagenda okukubibwa ku Lwokuna.”

Bannayuganda baakulonda abakulembeze baabwe ku bifo ky’Obwa-pulezidenti n’ababaka ba Palamenti ku Lwokuna nga February 18, 2016.

Essimu tezikkirizibwa mu bifo omulonderwa - Kiggundu

Mu ngeri y’emu, Ssentebe w’akakiiko k’ebyokulonda, Ying. Badru Kiggundu yatangaazizza ku ky’ekiragiro kye yawa nti teri muntu agenda kukkirizibwa walonderwa na ssimu.

Ying. Kiggundu yagambye nti “ Teri muntu agenda kukkirizibwa kukuba bifaananyi munda awalonderwa wabula ebifaananyi byakukubibwa wabweru w’ekifo awalonderwa.”

Bino yabyogeredde mu nsisinkano n’abagoberezi b’okulonda okuva wabweru w’eggwanga ku Hotel Africana mu Kampala nga bano baaweereddwa n’ebiragiro bye balina okugoberera nga bakola omulimu gwabwe.

Ng’abeesimbyewo ku bifo okuli Pulezidenti n’Obubaka bwa Palamenti bakomekkereza enkuhhana zaabwe leero, akakiiko akavunaanyizibwa ku mpuliziganya mu ggwanga kalabudde emikutu gy’empuliziganya egiweereza ebigenda mu maaso mu ggwanga butereevu, okukola kino mu ngeri eteyonoona mirembe mu ggwanga.

More From The Author

Emboozi z’omuwandiisi endala

Emboozi endala

Kafeera 220x290

Leero luno!

NG’ENSI eri ku bunkenke bw’ekirwadde kya Coronavirus, abamu ku Bannayuganda batandise okubiteekamu omuzannyo bo...

Gaali 220x290

Ono booda agiyita mmotoka?

ONO taata w’abaana ekiragiro kya Pulezidenti eky’emmotoka eza buyonjo okutikka abantu basatu yakifunye bulala....

Bitone2 220x290

Nze sijja kuyimba kambawe akatono...

NG’ABAYIMBI beeyiwa mu situdiyo okukola ennyimba ezikwata ku kirwadde ku Coronavirus n’okukubiriza abantu okugoberera...

Kcca2 220x290

Oba adduse tutwale ekigaali n’emmaali...

OMUVUBUKA eyabadde atundira ennanaansi ku kigaali ebigere tebiba kumweyimirira ssinga kati ali mu mbuzi ekogga....

Njagala ananjagala nga bwendi

Njagala ali wakati w’emyaka 50 - 55, alina omulimu, omwetegefu okundabirira, okunfunira eky’okukola n’okugenda...