TOP

Poliisi ezimbe akaduukulu k’oku Kaleerwe

By Moses Lemisa

Added 28th April 2016

EMBEERA mu kaduukulu ka poliisi y’oku Kaleerwe yeeraliikiriza ng’abamenyi b’amateeka be basibiramu oluusi bawaguza ne batoloka.

Kaduukulu2 703x422

Omusibe ng’alingiza mu kituli ekiri ku kkomera ly’oku Kaleerwe.

 

EMBEERA mu kaduukulu ka poliisi y’oku Kaleerwe yeeraliikiriza ng’abamenyi b’amateeka be basibiramu oluusi bawaguza ne batoloka.

Poliisi eno esangibwa mu Ssebina Zooni mu katale ka Kizito e Kawempe nga yazimbibwa mu mbaawo era abatuuze baagikazaako lya poliisi y’oku ‘kabaawo’.

Abatuuze b’omu kitundu kino bagamba nti abamenyi b’amateeka ab’omutawaana bamenya ekkomera ne badduka nga waliwo abasibe 10, abanoonyezebwa.

Nakyeyune omutuuze mu Kibe Zooni, yategeezezza nti, embeera y’ekkomera yeeraliikiriza abatuuze kuba abamenyi b’amateeka ab’omutawaana olubakwatta batoloka ne baddamu okutigomya abantu.

Yagambye nti enkuba etonnya ennaku zino eyongedde okutiisa abantu kuba abasibe abalimu kaduukulu kyangu okutoloka abaserikale abakuuma ne batawulira.

Yagasseeko nti ekkomera lino ffunda ng’abasibe babeera beenyigiriza ate nga kajjudde n’ebiku. Nakyeyune yagambye nti ekizibu ekirala abaserikale be bassa mu kifo kino batono ddala bw’ogeraageranya n’abantu abali mu kitundu wamu n’obumennyi bw’amateeka bwe beenyigiramu.

N’agamba nti baagala babazimbire ekkomera ery’omulembe kubanga si kyangu kumalawo bumenyi bw’amateeka mu kitundu kino.

“Kayihura lwaki tateesa ne nnannyini ttaka n’abakkiriza waakiri okussaawo konteyina okusinga okuteeka abasibe ab’omutawaana mu mbaawo ze basobola okumenya.

Atwala poliisi y’oku Kaleerwe Isaac Ongum yategeezezza nti ettaka okuli poliisi si lyabwe era tesobola kuzimba nga nnannyini kifo tabakkirizza kyokka n’agamba nti ensonga bajja kuzitunulamu.

More From The Author

Emboozi z’omuwandiisi endala

Emboozi endala

Kiwa1 220x290

Mukyala w’omugagga Kiwanuka omukulu...

EBYA famire ya Mohan Kiwanuka byongedde okulanda mukyala mukulu bwavuddeyo n’ata akaka ku muggya we gwalumiriza...

Kenzomuzaata 220x290

Fr. Lokodo ayise Muzaata ku by’okujolonga...

MINISITA avunaanyizibwa ku empisa, Faaza Simon Lokodo, ayingidde mu by’omuyimbi Eddy Kenzo ne Sheikh Nuhu Muzaata...

Muza1 220x290

Abawagizi ba Kenzo balumbye amaka...

Abawagizi ba Kenzo balumbye amaka ga Sheikh Muzaata ne bakola efujjo nga bee

Mwana1 220x290

Abafumbo bakwatiddwa lwa kutulugunya...

Poliisi ekutte abafumbo n'ebaggalira lwa kutulugunya mwana.

Mutungo2jpgrgb 220x290

Agambibwa okukuba omuserikale akwatiddwa...

Timothy Lubega 27, ow'e Mutungo akwatiddwa poliisi y’e Mutungo ng'eyambibwako aba LC1 mu kitundu kino. Lubega okukwatibwa...